Lospalos: Hafoin partisipa iha atividade kolleta haré iha natar grupu Agrikultura Modomau ne’ebe produs hare iha aldeia Larimi, suku Caenlio, postu Administrativu Iliomar. Prezidente Autoridade Munisipal(PAM) Lautém Melio De jesus husu grupu to’os nain sira atu nafatin manten hasa’e produsaun haré iha Lautém hodi redus importasaun fos husi rai Liur.
Autoridade maximu munisipiu Lautém ne’e alerta ba grupu to’os nain sira, atu manten nafatin hasa’e produsaun ai han iha rai laran. Tuir nia, waihira agrikultura sira badinas servisu iha area agrikultur nian, nia garante neneik munisipiu Lautém bele redus ona importasaun fos husi rai liur.
“Husu ba komunidade modomau no extensionista atu kontinua halo produsaun hare, tamba ida ne’e faze inisial ita atu koko. Kundo koilheta ne’e lao diak ba tinan oin ita fiar katak area koletivu iha munisipiu Lautém 5 mil ital hektar, maibe produsaun bele atinji ona 100 hektares ne’e bele fornese ona ba merkadu. Husi ne’e mak ita bele bandu suportasaun husi rai liur ne’e atu labele tama mai iha munisipiu Lautém.” Melio argumenta.
Iha sorin xeluk sefe grupu agrikultura Modomau Adriano Savio afirma nia grupu nafatin iha komitmentu atu hasa’e kresimentu ai han lokal liu husi atividade produsaun haré iha Aldeia larimi, suku Caenlio Postu Adminstrativu Iliomar.
Xefe grupu ne’e husi ba Ministeiru Agrikultura, Pekuaria, Pescas no Florestas(MAPPF), atu fasilita grupu to’os nain sira hodi apoiu traktor no hadia irigasaun be ba natar nian ho nune’e grupu produsaun sira bele iha kibit hodi hasa’e kuantidade produsaun haré iha futuru.
“Ami iha vontade makas atu hasae hasa’e kuantidade hare iha future, maibe dezafiu ne’ebe ami hasoru mk irigasaun be’e no traktor. Kuandu irrigasaun diak noTraktor kuando iha ona, ne’e tinan ida ami bele halai natar dala tolu.” Katak Xefe grupu agrikultura Modomau.
Hatan ba preukupasaun ne’e director nasional Agrikultura, Hortikultura e Protesaun das Plantas Lucio Ribeiru informa, katak dadauk ne’e Ministeiru Agrikultura, Pekuaria, Pescas no Florestas(MAPPE) sosa ona Hand traktor hamutuk 25 no traktor bo’ot rua, ne’ebe mak rai ona iha Serbisu Munisipal Agrikultura(SMA) Lautém no sei distribui ba grupu to’on nain sira iha Munsipiu Lautém.
“Ministerio prontu para apoiu natar nain sira. N’eebe tinan ne’e iha ona distribuisaun, iha ona 400 hand traktores. Ne’ebe fornese ona 25 unidades hand traktores no traktor boot rua ba kada Munsipiu .” Esplikaka director nasional Agrikultura, Hortikultura e Protesaun das Plantas ne’e.
Reportagen: Veru.
Editor: Joenaca Tupa da Conceição.
