DILI– Parlamentu Nasionál (PN), segunda ne’e, iha debate faze espesialidade Orsamentu Jerál Estadu (OJE) 2024 aprova ona orsamentu ho totál $$7.628.912 ba administrasaun munisipál Lautém.
Deputadu sira iha Parlamentu Nasionál aprova orsamentu ne’e ho votu afavór- 44, absteinsaun 21 no kontra 0.
Hosi totál orsamentu $7.628.912, ne’e fahe ba kategoria Saláriu no Vensimentu $2.346.979, Bens no servisu rekorente $512.314, transferénsia públiku ho totál $2.591.53, kapitál menór hamutuk $90.000 no Kapitál Dezenvolvimentu $2.088.088.
“Nune’e, administrasaun Munisipál Luatém nia orsamentu pasa iha faze espesialidade,” anúnsia Prezidente Parlamentu Nasionál, Fernanda Lay, iha sala plenária Parlamentu Nasionál.
Orsamentu ho totál $$7.628.912 mak aloka ba prioridade ka programa sira hanesan programa ho númeru 026 foku ba estrada no ponte sira ho totál orsamentu $261.105, programa 028 mak dezenvolvimentu rurál ho orsamentu alokadu $1.929.079, programa 366:seguransa nasionál ho $29.636.
Programa ho númeru 392 mak asesu ba justisa ho orsamentu $45.223, programa 510 mak funsionamentu no dezenvolvimentu institusionál ho $2.163.115
Alende ne’e, programa 520 ne’e foku ba edukasaun Pré-eskolar ho $269.582, Programa 521 foku ba Ensino Báziku ho orsamentu alokadu $1.716.839, Programa 523 foku ba Ensinu Rekorrente $2.448.
Entretantu, Programa ho kódigu 528 foku ba kuidadu de saúde primáriu sira ho orsamentu $203.569, Programa 798 foku ba água no saneamentu $209.370, programa 980 mak inclusaun Sosiál $161.913, programa 982 mak foku ba turizmu ho orsamentu $41.149 no Programa A32 mak foku ba aumentu sustentavél produtividade no produsaun mak alokadu ho orsamentu $595.884.
Reportajen: Ekipa Lautem Post
Editór : Helefatil
