Lospalos: Komandu PNTL Munisipiu Lautém, Superintendente, Antonio Rego Fernandes, alerta ba efetivu PNTL iha Munisípiu Lautém ne’ebé destaka ba kada sentru votasaun, matan moris neon na’in, fó seguransa másimu ba eleisaun suku.
” Mensajen ba komandu munisípiu Lautém ne’ebé deskata iha sentru votasaun 151 iha munisípiu Lautém, matan moris no neon na’in hodi fó seguransa di’ak ba eleisaun suku”. Komandu alerta ba efetivu PNTL.
Komandante ne’e hateten, misaun PNTL klaru iha konstituisaun RDTL no mós iha lei orgánika PNTL nian ne’ebé regula misaun PNTL.
“Iha artigu 147 KRDTL no mós lei orgánika PNTL prevé, PNTL bele atua kualkér krime ne’ebé mosu iha tempu eleisaun no kontajen de votu”, nia afirma.
Membru polísia ne’ebé destaka iha kada sentru votasaun, sei akompaña prosesu votasaun husi eleisaun too apurametu suku no entrega ba postu administrativu.
Husu kona-ba total membru PNTL ne’ebé destaka kada sentru votasaun, komandu la fó komentáriu tanba segredu institusionál.
Reportajen : Veru Fernandez
Editor : Black Ange
