LAUTEM: Iha loron 25 Setembru tinan 1999, Milisia no Militár Pro Indonézia oho Madre no frater, inklui Jornalisra sira iha Apikuru-Lautem.
Husi Martir sira ne’ebé mate iha momentu ne’ebá mai mak hanesan,𝐌adre. 𝐄𝐫𝐦𝐢𝐧𝐢𝐚 𝐂𝐚𝐳𝐳𝐚𝐧𝐢𝐠𝐚, 𝐅𝐝𝐜𝐜 (𝐈𝐭𝐚𝐥𝐢𝐚), 𝐀𝐠𝐮𝐬 𝐌𝐮𝐥𝐲𝐚𝐰𝐚𝐧 ( 𝐉𝐨𝐫𝐧𝐚𝐥𝐢𝐬𝐭𝐚 𝐡𝐮𝐬𝐢 I𝐧𝐝𝐨𝐧éz𝐢𝐚), 𝗙𝗿. 𝗝𝗮𝗰𝗶𝗻𝘁𝗼 𝗫𝗮𝘃𝗶𝗲𝗿- (𝗕𝗮𝘂𝗰𝗮𝘂), 𝗙𝗿. 𝗙𝗲𝗿𝗻𝗮𝗻𝗱𝗼 (𝗟𝘂𝗿𝗼 𝗟𝗼𝘀𝗽𝗮𝗹𝗼𝘀), 𝗙𝗿. 𝗩𝗮𝗹𝗲𝗿𝗶𝗼 (𝗟𝗼𝘀𝗽𝗮𝗹𝗼𝘀), 𝗧𝗶𝘁𝘆 𝗦𝗮𝗻𝗱𝗼𝗿𝗮 (𝗣𝗮𝗶𝗿𝗮𝗿𝗮-𝗟𝗮𝘂𝘁𝗲𝗺), R𝘂𝗱𝘆 𝗕𝗮𝗿𝗿𝗲𝘁𝗼, 𝗔𝗰𝗼𝗹𝗶𝘁𝗼𝘀 (𝗕𝗮𝘂𝗰𝗮𝘂), 𝗠adre. 𝗖𝗲𝗹𝗲𝘀𝘁𝗲 𝗱𝗲 𝗖𝗮𝗿𝘃𝗮𝗹𝗵𝗼,𝗙𝗱𝗰𝗰 (𝗨𝗮𝘁𝗼𝗰𝗮𝗿𝗯𝗮𝘂-𝗩𝗶𝗾𝘂𝗲𝗾𝘂𝗲)
Iha akontesimentu ne’e, pro-integrasaun indonézia sira oho mós Joven, 𝐈𝐳𝐢𝐧𝐨 𝐅𝐫𝐞𝐢𝐭𝐚𝐬 𝐀𝐦𝐚𝐫𝐚𝐥 ne’ebé sira ka’er no oho hodi so’e hamutuk iha fatin referida, alende ne’e mos antes to’o fatin akontesimentu (Apikuru) iha dalan Eskola Primária ida nia oin sira tiru mate ona Joven ida ho naran, 𝐁𝐞𝐧𝐞𝐝𝐢𝐭𝐨 𝐌𝐚𝐫𝐪𝐮𝐞𝐬 𝐂𝐚𝐛𝐫𝐚𝐥 ne’ebé mate kedan iha Eskola nia kotuk.
Nune’e, iha minute hakmate hodi hanoin masakre Api-kuru ba-dala 25 ne’e, Prezidente Repúblika, José Ramos Horta, hato’o votu profunda pezár vítima masakre Api-kuru liuhusi fó rekoñesimentu ba martire nain-ualu ne’ebé hetan oho husi milisia “Team Alfa” iha apikuru Lautem.
Rekoñesimentu ne’e hato’o liuhusi dekretu Presidensiál kona-ba votos de profunda númeru 14/2024.
“Prezidente Repúblika expressa profunda pezár ba falesimentu saudoza Me.Ermina Cazzaniga Fdcc, Me. Celeste Pinto De Carvalho Fdcc, Titi Sandra Comelio Lopes, Saudosu Frater Jacinto Francisco Xavier, Frater Fernando Dos Santos, Frater Valerio Da Conceicao, Cristovão Rudi Freitas Barreto, Agus Muliawan, ne’ebé haneasn sobervivente b aluta libertasaun nasionál Timor-Leste”, Reprezenta Prezidente Republika Koordenadór Juridiku, Filomeno Faria, le’e sai katak votus pezár nu’udar simbolu rekonesimentu husi Estadu Timor-Leste hodi valoriza martires nain-ualu ne’ebé hetan oho husi milisia iha Api-kuru lautem.
Iha momentu ida ne’e, Xefe Estadu mós hato’o sentidu lutu ba família no amigu ba saudozu kombatente libertasaun nasionál TL.
“Espresa mós votu onra ba saudozu sira tanba sira nia didikasaun no sofrementu to’o sakrifika sira nia vida mak ohin loron ita hetan liberadade,”.).
Iha fatin hanesan, Diretór CARITAS Dioseze Baucau, Padre Justino Afonso de Aquino Pinto husu ba sarani sira hotu atu valoriza martir sira nia dedikasaun no kontinua nafatin sira nia missaun.
” Agradese ba Maromak fó vida tomak ba ita atu hanoin sira no valoriza sira nia sakrifisiu no reza ba frater sira no madre sira no kontinua obra ne’ebé sira halo kontinua maromak nia misaun,” Amu sujere.
Entretantu, Reprezentante Família Martire masakre Api-kuru Lautém, Manuel Oliveira agradese ba entidade hotu nia esforsu liuhusi serbisu hamutuk nune’e familia martire bele hetan ona rekoñesimentu husi Prezidente Repúblika.
“Agradese no apresia ba entidade hotu-hotu nia esforsu serbisu hamutuk ho família martire nain-ualu bele hetan votu pezár husi Prezidente Repúblika ida ne’e nu’udar rekordasaun ne’ebé ami sei la haluha no rai hanesan memoria ba sira nia luta no sai istória ba jerasaun foun,” nia agradese.
Reportajen: Veru
Editór: Helefatil
