Lospalos: Ministeriu Edukasaun aloka orsamemtu millaun 1 ba programa merenda eskolar iha munisipiu Lautém ho nia durasaun fulan 3.
Husi orsamentu millaun 1, sei aloka rihun atus neen, ualu-nulu resin ida ba eskola bazika filiais nian rihun atus rua, tolu nulu resin sia ba eskola bazika sentral sira.
Secretariu munisipal, administasaun no financas, Francisco dos Santos, husu ba ekipa gestaun merenda eskolar sira atu kumpre implementasaun matadalan programa merenda eskolar hodi garante kualidade aihan.
“Ministeriu introdus programa merenda eskolar ba autoridade lokal sira atu haree ba kualidade hahan.” sekretariu esplika.
Diretur servisu edukasaun munisipal Lautém, Anibal Fernandes, deklara, programa merenda eskolar, ministeriu edukasaun entrega ona ba autoridade munisipal hodi kontrola.
“Programa merenda eskolar, iha prezidente autoridade nia okos. Programa ne’e sai ita hotu nia responsabilidade. Husu ita hotu tau matan ba programa ida ne’e.” Anibal husu.
“karik iha infrasaun, iregularidade iha implementasaun programa ne’e diretur no xefe suku sira inklui ekipa gestaun programa iha direitu atu halo rekomendasaun no relata mai iha autoridade munisipiu no edukasaun nunee ita bele haree programa ne’e tuir mata dalan ne’ebé iha.” Nia dehan.
Jestor programa merenda eskolar no autoriedade munisipal mak sei responsabaliza ba infrasaun sira ne’ebé mosu iha implementasaun programa merenda eskolar.
Total eskola iha munisipiu Lautém, hamutuk 184, komspostu husi pre-eskolar hamutuk 48, ensinu baziku filial 65, no ensinu baziku central 17.
Reportagen: Veru
Editor: BA
