Lospalos: Segundu komandante jerál PNTL, komisáriu Pedro Belo, argumenta, membru sira ne’ebé utiliza arma, bainhira hala’o servisu iha terenu, no tenke entre entrega arma hafoin fila ba uma.
“Ita tenki utiliza arma tuir regras ne’ebé fó sai ona. Ita hatene katak kuando uja armas sira ne’e ita utiliza ba servisu, kuandu servisu hotu tiha, entrega fila fali, labele uza fali ba festa laran labele lori ba ameasa ema ne’e labele, komunidade ita nian hotu, joven ita nian hotu labele lori fali ameasa tun-sae.” Segunu komandante fó hanoin.
Pedro Belo, apela ba komandante munisípiu to’o komandante eskuadra sira atu kontrola didi’ak arma, bainhira uja armas ba terenu, fila ba edifísiu tenke entrega ba responsavel armas ninian, hodi kontrola.
“Parte armori ninian tenke hatene katak kilat fó sai to’o oras membru hatama ona.” Komandante afirma.
Komando jerál PNTL husu ba komandante PNTL iha Lautém aprezenta relatóriu membru sira ne’ebé viola regra, aprezenta ba komandu jerál hodi fó sansaun.
Jornalista : Veru
Editór : B.A.
