Lospalos: Sekretariu Estado Igualidade (SEI) halo ona sensibilizasaun ba politika abordage igualidade generu iha suku 30 iha Munisipiu Lautém.
Ponto fokal SEI munisipiu Lautém Bonifacio D.C Pinto Amaral imforma, hanesan aperlhu estado nian SEI kontinua halao nia papel atu sensibiliza politika abordage igualidade generu hodi halo advokasia ba komunidade sira iha baze.
“Sekretariu Estado Igualidade durante ne’e halo advokasia ba estudante no juventude sira, liu-liu ba familia uma kain sira. Atu nune’e wainhira halo serbisu uma laran nian karik tenki iha balansu, tamba ne’e sensibilizasaun ne’e ami halo ona ba suco hamutuk 30 no hela deit suco 4.” Dehan Bonifacio D.C Pinto Amaral ba Lautém-Post, Tersa(13/08).
Iha sorin seluk Juventude ermegildo gomes hateten,sensibilizasaun ne’e importante tanba liu husi semsibilizasaun ne’e bele tulun oinsae sira atu bele komprende no hases a’an husi violensia.
“Sensibilizasaun igualidade generu ne’e importante atu oinsa ita hatene no komprende hodi hado’ok a’an husi violensia, tamba iha lei mos hateten katak ita tenki promove igualiidade.” Katak nia ba Lautém-Post, Tersa(13/08).
Tuir planu iha trimestral tuir mai sekretariu estadu igualidade sei halo sensibilizasaun ba sucu 4, kompostu husi suco Home, Pairara, Mahina 1, no Com.
Reportagen: Veru.
Editor: Joenaca Tupa da Conceição.
