Lospalos: Komemora loron konsulta popular ba dala 25 iha Munsipiu Lautém, komisaun organizadora munisipal sei aloka orsamentu $ 7,000.00 (Sete mil Dolar Americano) hodi selebra iha kada postu administrativu sira.
Secretariu munisipal planeamentu, investimentu no dezenvolvimentu integradu Tibursio Dos Santos informa, komisaun organizadora(K.O) ba komemora loron konsulta popular iha Munisipiu Lautém, hato’o ona proposta ba Prezidente Autoridade Munisipal(PAM) Lautém atu aloka orsamentu $ 7,000.00 (Sete mil Dolar Americano) ne’ebe sei fahe ba postu administrativu 6 hodi bele selebra iha Postu ida idak iha Munisipiu Lautém.
“Komemora loron konsulta popular, prezidente komisaun hato’o ona proposta ba prezidente autoridade atu bele aprova osan $ 7,000.00 (Sete mil Dolar Americano) ba nivel munisipiu no sei aloka ba postu lima no inklui postu lospalos atu selebra iha sira nia postu rasik.” Katak Secretariu munisipal ne’e ba Lautém-Post iha segunda (19/08) ohin.
Nia afirma iha selebrasaun loron konsulta popular ne’e iha mos aktividade desportu komunitariu ne’ebe mak hetan apoiu finanseiru husi Ministeriu Juventude Desportu Arte no Cultura(MJDAC) ho total osan hamutuk dolar rihun 7.
“Orsamentu ba desportu komunitariu MJDAC finansia aktividade ne’e ho $ 7,000.00 (Sete mil Dolar Americano) no ita hahu ona iha dia 16 fulan agustu 2024, prezidente autoriade hamutuk ho Ministru petroleum no rekursus minarais halo ona abertura ba Voleibal feto mane, halai Kuda, Basketbool, no Futsal hodi komemora loron konsulta popular”. Tenik sekretariu municipal ne’e.
Iha sorin seluk komandante PNTL munisipal Lautém superintendente João Da Costa relata, PNTL munisipiu Lautém prontu atu fo seguransa maximu ba eventu importante sira ne’ebe sei realiza iha loron 30 fulan agustu tinan ne’e hodi selebra loron konsulta popular iha munisipiu Lautém.
“Komando PNTL preparadu ona atu halo segurnasa ba loron konsulta popular ne’ebe selebra iha tinan ne’e, inklui postu 6 atu halo seguransa, sei alerta hodi halo seguransa durante 24 horas.” Nia subliña.
“Wainhira iha serimonia selberasaun nee karik iha perturbasaun maka parte pntl sei halo aktusaun tuir lei no orden”. Apela Komandante ne’e ba komunidade sira.
Entretantu porsaun husi planu tentativa ba orsamentu $ 7,000.00 (Sete mil Dolar Americano) ne’ebe mak sei aloka ba postu administrativu sira iha Lautém maka, Postu Luro sei hetan $ 750.00(Sete sentos e sinquenta Dolar Americano ), Iliomar $ 750.00(Sete sentos e sinquenta Dolar Americano ), Lore $ 500.00 (Quinhentos Dolar Americano ), Tutuala $ 500.00 (Quinhentos Dolar Americano )no restu sei aloka ba postu Lospalos.
Reportagen: veru.
Editor: Joenaca Tupa da Conceição.
