Lospalos: Secretario de Estado dos Assunto da Toponomia e da Organizacao Urbana Germano Santa Brites Dias Desimina dekretu lei no 33/2008 kona ba higiene no ordem publika ba autoridades municipais sira iha munisipiu Lautem antes aplika iha terenu.
Secretriu Estadu ne’e afirma, wainhira implementa Lei ne’e mak komunidade sira la kumpri sei hetan saunsaun, tamba tuir nia obgetivu husi lei ne’e, atu hadia sidade atu bele sai furak ba ema hotu.
“atu hadia sidade furak ba ema hotu, tenki kumpri. Kuando informasaun tun ba kraik dala rua too tolu mak la kumpri iha regras ka sansaun ruma para atu aplika”. Dehan nia ba Lautem-Post, 19/10.
Guvernante ne’e apela, atu Administrasaun Munisipiu Lautem tenki lori dekretu lei ba komunidade sira atu bele komprende, tamba tuir nia observasaun komunidade barak mak seidauk komprende liu-liu oinsa atu kuidadu animal sira atu labele tama estra bo’ot tamba bele fo risku ba movimentasaun publiku, liu-liu transporte publiku no privadu sira.
“Dekretu lei no 33/2008 kona ba higiene no orden publiku, tenke sosializa ba populasaun iha municipiu Lautem. depois iha implementasaun husi administrasaun tun ba terenu populasaun bele komprende ona, tamba ne’e presiza fahe informasaun ba hotu-hotu. Linas ministeriais sira, para komprende serbisu toponomia nian.” Katak guvernante ne’e.
Iha fatin hanesan Administrador municipiu Lautem Domingos Savio hateten sosilizasaun dekretu lei fo benefisiu bot ba municipiu Lautem, tanba dadaun ne’e komunidade barak mak seidauk iha konsiensia hodi kontinua husik aminal sirkula livre iha sidade laran.
“sosializasaun ne’e diak, fo benefisiu boot ba municipiu Lautem. liga ho ambiente tenki ejekuta, tanba komunidade barak mak hakiak animal maibe seidauk identifika didiak” katak Adminitrador ne’e.
Nia informa, parte administrasaun munisipiu Lautem forma ona ekipa hodi identifika animal sira ne’ebe mak kontinua husik livre, inklui fo ona orientasaun ba administrador postu sira hodi halao dadauk ona sosializasaun ba komunidade sira atu bele fo atensaun ba animal sira atu labele kontinua estraga ambiente no ai horis sira inklui komunidade sira nia toos.
Iha sorin seluk Administrado postu Lospalos Dinis Dos santos Baptista kompromete, sei hamutuk ho Arministrasaun no konselhu Municipal sira hodi identifika animal sira ne’ebe mak sei kontinua husik livre iha capital Munisipiu.
“apresia ho diresaun toponomia tamba ajuda postu sira, hamutuk ho administrador no konselhu municipal halo aproximasaun hodi identifika animal sira nia nain, para atu halo mapamentu hodi halo eliminasaun ba animal nebe mak la tuir regras.” Katak APA Lospalos ne’e.
Reportagen: Veru Fernades
Editor: Joenaca Tupa da Conceição
