Lospalos: Secretariado Tecniku de Administrasaun Eleitoral (STAE) Munisipiu Lautem, nota katak urna ba Eleisaun suku nian, mihis liu no la iha kualidade kompra ho urna sira ne’ebe mak uza iha eleisaun Prezidente no Parlamentu nian
Diretor STAE Lautem ne’e Diretor Stae Municipiu Lautem Sergio Belmonte haktuir kompara ho eleisaun Prezidente no Parlamentu nian urna ba Eleisaun suku nian Mihis liu, tanba ne’e nia husu ba ekipa apoiu suku no aldeia sira atu bele kuida didiak material hirak ne’e
“Husu ba ekipa apoiu Suku no Aldeia sira atu bele kuida material hirak ne’e, tamba urna refere la hanesan ho urna sira seluk nene uja iha eleisaun Prezidente, no eleisaun Parlamentar tamba urna hirak neebe atu estabele ba eleisaun suku mihis liu.” Dehan nia ba Lautem Post ohin, hafoin Distribui ekipamentu eleisaun suku nian iha Ginagiu Lautem.
Alende ne’e Belmonte informa, total husi material sensitivu no non sensitivu sira iha urna hamutuk 309 no kabina de votu iha 415. No material hirak ne’e, ohin distribui ona ba centru votasaun hamutuk 151 iha iha munisipiu Lautem.
“Ba material sensistivu no non sensitivu, ba urna iha 309 no kabina de votu nian hamutuk 415 ene mak preparado hotu ona atu diatribui ba kada centru votasaun nebe eziste iha municipiu Lautem.” Nia esplika.
Iha sorin seluk Administrador municipiu Lautem Domingos Savio Husu, atu Administrador postu no Lider Komunitariu sira atu tau responsabilidade no kopera ho autoridade seguransa sira atu bele garante susesu ba prosesu eleisaun suku iha munisipiu Lautem.
Savio hateten eleisaun ne’e realiza husi Administrasaun Estatal tamba ne’e atu garante nia susesu presiza iha Kolaborasaun maximu entre autoridade sira, hahu husi nivel Munisipiu to’o aldeia.
“Husu ba Admistrador Postu, lider komunitariu sira hamutuk ho PNTL serbisu hamutuk iha terenu halo komunikasaun no koberasaun diak hodi asegura prosesu eleisaun lao ho susesu. Responsabilidade tomak liu-liu administrador sira tenki vota uluk hodi kontrola ba suku sira hamutuk ho seguransa atu nune serbisu lao ho susesu.” dehan nia, hafoin distribui material eleisaun suku ohin(27/10).
Entretantu ekipa husi CNE destaka ona iha centru votasaun hatuk 151 iha munisipiu Lautem hodi halo observasaun direita ba prosesu eleisaun suku suku ne’e.
“Ekipa CNE nia prezensa iha centru votasaun atu halo observasaun ba prosesu eleisaun iha kada centru votasaun hodi observa prosesu eleisaun too remata.” Katak Comisariu CNE Olavio da Costa Monteiru ba Lautem-Post.
Reportagen: Veru Fernandez
Editor: Joenaca Tupa da Conceição
