DILI-Vice-Primeiro Ministro, Ministro Coordenadór dos Assuntos Sociais e Ministro Desenvolvimento Rural e Habitação Comunitária, Mariano ASSANAMI Sabino, enkontru ho Prezidente Autoridade Munisípiu Lautem (PAM), hodi diskute Programa Dezenvolvimentu Rural no Habitasaun Komunitária, ne’ebé sei implementa iha Munisípiu Lautem.
Iha enkontru, PAM Lautem, Mélio de Jesus, relata informasaun balun relasiona ho Programa Dezenvolvimentu Rural no Habitasaun Komunitária no assuntu sosiais seluk ne’ebé iha koordenasaun Vise-Primeiru Ministru nian.
“Enkontru ne’e ami ko’alia foka liu oinsá atu haree pontensialidade Lautem nian, nune’e programa sira ne’ebé iha bele benefisia Povu Lautem,” dehan, Mélio, iha Sala VPM, Palasiu Governu.
PAM Lautem mós informa, dadaun ne’e nia parte halo hela tentativas
buka hela dalan identifika no konvense rekursu umanu potensial sira husi Lautem atu fila hodi kontribui ba dezenvolvimentu Lautem iha futuru.
Melio mós preokupa hela ho estrada diresaun Lautem liga ba Lospalos-Villa ne’ebé grave tebes ona, husu Vise-Primeiru Ministru nia apoiu tomak karik, iha enkontru nivel Konsellu Ministru (KM) nian bele konvense ministériu relevante sira hodi konstrui estrada refere ho lalais para fasilita movimentu transporte públiku nian ho di’ak.
Reportagen: Ekipa Lautem-Post
