Iliomar: Familia afetadu dezastre naturais lamemta ho atendimentu xefe suku Ailabere tamba lakohi asina dokumentus vitima ninian hodi hetan apoiu emerjensia husi autoridade protesaun sivil munisipiu Lautem.
Familia afetadu, Eurico Zeronimu, kritika xefe suku Ailabere tanba konsidera la hatudu servisu diak.
“Lider sira la imparsial maibe partidaria, foin dadaun akontesimentu anin bot iha iliomar suku ailabere uma tolu tama kategoria at grave maibe, hau nia sefe suku lakohi asina, ho argumentu oin oin too agora.” Nia lamenta.
Vitima Eurico, husu ba ministeriu adminiatrasaun estatal atu fo atensaun ba sefe suku sira atu halo knar hodi atende komunidade sira iha baze.
“Hau husu ba governu liu-liu ministeriu estatal atu labele toba dukur, hader ba hodi fanu netik sefe suku, fo fasilidade motor ba sira laos uja ba nia adat deit maibe atu uja atendi povu nia problema .” dehan nia.
Relasiona ho lamentasaun vitima dezastre nian, jornalista Lautem Post seidauk halo konfirmasaun ho xefe suku Ailabere tamba sei okupadu ho servisu seluk.
Jornalista mos tenta konfirma komandante autoridade protesaun sivil Lautem maibe la iha fatin.
Familia afetadu submete ona dokumentus ba APC Lautem, ne’ebe hetan asinatura husi administrador postu administrativu Iliomar, tamba xefe suku Ailabere lakohi asina surat husi familia vitima.
Jornalista: Veru
Editor: BA
