Lospalos: Autoridade protesaun civil (APC) municipiu Lautém, Regista uma kain hamutuk 37 ne’ebe mak nia uma hetan estragus kauza husi anin bot ne’ebe akontese foin lalais(semana rua ikus) iha municipiu Lautém.
Komandante APC Munisipiu Lautém Inspectur sefe polisia Tito Da Silva hateten, Anin bot ne’ebe mak akontese foin lalais ne’e estraga uma komunidade nian hamutuk 37. husi total ne’e uma 15 tama iha kategoria kaman, no 2 tama kategoria naton, no numeru sira seluk la prense iha criteria ba etragus husi APC.
“Anin bót ne’ebe foin lalais akontese semana rua liu ba kotuk , uma kain ne’ebe hetan estragus nia total hamutuk 37. No husi 37 nee tama kategoria a’at kaman 15 no a’at naton 2.” Informa Inspector sefe ne’e ba Lautém-Post, Segunda(31/01).
Komandante ne’e haktuir, uma kain ne’ebe tama kategoria a’at kaman no a’at naton sei hetan apoiu rekoperasaun. Maibe nia parte sei relata ba nasional hodi hein prosesu, enkuanto la prense kriteria sei hetan deit apoiu emergensia.
“A’at naton no a’at kaman sei hetan hotu material rekoperasau,.maibe hirak ne’ebe mak latama kategoria ka la prense kriteria husi APC sei la hetan ajudos rekoperasaun maibe sira sei hetan deit sasan emergensia.” Nia subliña.
Entretanto kona ba ajudu hirak ne’e, Autoridade protesaun sivil (APC) munisipiu Lautém sei relata ba nasional relasiona inklui numeru husi total uma kain ne’ebe hetan estragos tuit kategoria ida idak hodi hein orden husi nasional.
“Enkuanto material rekoperasaun ne’e, wainhira too APC sei informa ba komunidade sira bele simu,” tenik Inspectur sefe ne’e.
Reportegen : Nandez Veru
Editor: Joenaca Tupa da Conceição.
