Lospalos: Ministeriu ba Asunto Kombatentes no Libertasaun Nasional (MACLN-sigla postugues) liu husi Conseilho Munisipal dos Comabtentes Libertasaun Nasional (CCLN) munisipiu Lautém, kuarte(15/01) nee, taka sai ona lista ba naran kombatentes libertasaun nasional segundu rejistadu iha tinan 2009 ho total hamutuk nain7.876 iha Munispiu Lautém.
Secretariu Conselho Munisipal Combatente Libertasaun Nasinal (CMCLN) Lautém Fini Ponta Leste hatete, husi total validadu hamutuk 7.876 nebe mak tama iha edital munispiu Lautém ne’e iha kategoria 7 ne’ebe mak MACLN halo ona ultima validasaun iha teritoriu laran tomak inklui munispiu Lautém tenki taka obrigatoriamente lista edital ne’e iha munisipiu Lautém.
“Total validadu ne’ebé valida hamutuk 7.876 ne’ebe mak tama iha edital. Husi edital nee iha kategori hitu(7) , Grau 20-24 iha ema nain 3, Grau 15 a 19 nain 51, Grau 8 a 14 iha 3.334, Sobrevivensia ka martires sira 2 .260, Kategoria prestasaun pekuniaria unika (ppu) 3 a 7 hamutuk 2.088, Dedikasaun la tama kategoria iha 120 no Kategoria não kombatente / exkluido iha 20.” Dehan secretariu CMCLN Lautém Fini Ponta-Leste ba Jornalista Media Lautém post iha nia knar fatin, Kuarta(15/01) horseik.
Liga ho lista edital ne’ebe públoka sai ona, Secretariu ezekutivu ne’e husu ba interesadu sira atu hakat ba administrasaun munisipiu no postu administativu sira hodi bele hare lista naran ne’ebe mak CMCLN Lautém públoka sai ona.
Nia afirma tan ba kombatentes libertasaun nasional sira katak tuir lei, sei iha loron 60 atu aprezenta reklamasaun kona-ba sira nia dadus ka kontestasaun hasoru kombatente ruma nia dadus nune bele hadia.
“Husu ba públikiu no familia hotu ne’ebé mak iha nia naran iha lista bele hakat mai hodi taka edital no iha 60 dias nia laran ba sira ne’ebé mak karik nia identidade pessoal ladiak bele reklama iha 60 dias nia laran atu nunee bele hadia iha baze de dados.” Katak Fini.
Entretatu lista ba naran kombatentes libertasaun nasional ne’e CMCLN Lautém taka mos iha kada postu administrativu inklui kuadru avizu administrasaun munispiu Lautém.
Reportajen: veru.
Editor: Joenaca Tupa da Conceição.
