Lospalos:, kandidatu ba sefe Suku Fuiloro, Postu Adminitartivu Lospalos Hugo dos santos Cruz. ne’ebe mak dadauk ne’e nu’udar Estudante finaalista husi Fakuldade Direitu UNTL ne’e afirma, wainhira eleitu nu’udar sefe Suku. Nia promete sei defende dezenvolvimentu ne’ebe ikluzivu ba Fuiloro oan tomak.
Foinsae ho idade 31 ne’e hateten, inisiativa husi nia kandidatura ba lideransa suku ne’e. Tanba hakarak atu serbi laos atu sai Liurai. Ho ida ne’e nia husu ba Joven sira ne’ebe mak ema ladun fihir, atu bele tau forsa hamutuk liu husi meius saida deit, hodi bele dezenvolve suku Fuiloro ho Inkluzivu liu.
“Husik liurai ne’e sira nian tuir kultura nian, maibe hau mai atu sai servidor ba hau nia povu, hodi gere orsamentu sira ne’ebe aloka husi guvernu sentral ba Sukus no Aldeia sira. Liafaun serbidor ne’e ho liafuan seluk ita bele dehan hanesan atan, la buat ida hau sai atan ba hau nia komunidade sira iha suku Fuiloro. Se wainhira progeta konfiasa mai hau.” Katak nia ba Lautem Post(27/10).
“ba Joven sira ne’ebe mak ema dehan lanu ten no kriminozu sira, joven akademiku sira. Ita la bele hein tan, wainhira imi deposita imi nia fiar mai hau. buat ne’ebe ita bele, tau ita nia forsa hamutuk liu husi meius saida deit buat ne’ebe ita bele ita halo. buat ne’ebe ita la bele ita buka tan forsa hamutuk hodi dezenvolve ita nia suku.” Nia hatutan
Alen de ne’e nia haktuir, wainhira eleito, sei defende no protégé mos grupu vulneravel sira, hanesan grupu feto no ema ho defisiensia, Iklui grupu minoritariu sira hanesan LGBT ne’ebe mak dala barak ema fihir ho matan sorin.
“Atividade hotu ita sei halo ikluzivu liu ba ema ema hotu, liu ba igualidade generu. Hanesan feto no ema ho defisiensia sira. Liu liu ita nia maluk sira ne’ebe make ema hare ki’ik liu iha sosiedade hanesan LGBT sira, hau sei defende sira ho equidade.” Nia subliña
Tuir nia, tanba Joven barak mak iha potensia. Balun hanesan artista ne’ebe mak ema husik let deit, balun iha ideia furak atu bele kontribui ba dezenvolvimentu maibe lideransa sira husik let deit, Liu liu joven sira ne’ebe mak defisiente, no grupu LGBT sira ne’ebe mak ema barak ladun fihir.
“Entaun hau mai kandidata an atu fo aspirasaun ba sira nia hanoin no ideia hirak ne’ebe mak sira iha, hodi bele defende sira.” Tenik nia
kandidatu ho numeru sorteio 5 ne’e Kompromete. Hanesan energia foun ida ne’ebe mak compete ho kandidatu sira seluk, nia pronto atu lori komunidade Fuiloru nia aspirasaun no pronto atu exekuta orsamentu no kulaker atividades ne’ebe mak aloka husi guvernu sentral mai suku Fuiloro.
Alen de ne’e nia hateten, wainhira eleitu. Sei monta mos estrutura Joven iha kada aldeia, atu nune bele responsabiliza no fasilita foinsae sira, karik wainhira iha parseiru dezenvolvimentu ruma hanesan ONG Internasional balun ne’ebe mak hakarak fo kapasitasaun ba joven sira.
“Estrutura joven hirak ne’e bele assume nia knar hodi organiza joven sira atu bele partisupa iha formasaun saida deit.” Nia esplika
Ses husi ne’e, nia hateten, sei halo mos sosializasaun kona ba seitor ko’operativa, ba Fuloru oan sira. Atu nune’e bele fasilita sira hodi hari Ko’operativa rasik iha suku laran.
“tanba SEKOP mos iha maibe ko’operativa ne’e bele moris depende ba ita nia ema ida idak nia vontade atu ko’opera malu, ko’operativa iha ramu barak tebes, maibe seitor ko’operativa saida mak komunodade suku fuilioru hakarak ita sei fasilita atu sir abele kria rasik sira nia ko’opertiva”.
“Exemplu atu halo to’os ida ne’e buat ne’ebe diak no ita tenke ser defende tanba liu husi atividade ne’e bele kontribui ba soberania aihan iha sira ida idak nia fatin. Ita sei promove sira atu entidade publiku sir abele fo formasaun ba sira liu liu SEKOP”. Katak kandidatu ne’e
Entretantu kandidatu ba sefe suku Fuiloro ba periodu 2023-2030 hamutuk 6, Kompostu husi: 1. Alarico li. S Kom, 2. Augusto Rosa, 3. Faustino dias Saermento, 4. Filipe Dias Quintas, 5. Hugo Dos S. Cruz no 6. Vitor Dias Quintas.
Reportagen: Ekipa Lautem-Post
Editor: Joenaca Tupa da Conceição
