Lospalos: Prezidente Autoridade Munisipal (PAM) Lautém Melio de Jesus relata, progetu Planeamentu Dezemvolvimentu Integradu Munisipal (PDIM) ne’ebé antes ne’e tuir termu kontratu sei finaliza iha 31 Dezembru tinan kotuk maibe sedauk finaliza, no autoridade Lautém kontinua extende ba fulan tolu too 31 Marsu 2025 tamba volume konstrusaun boot.
“Progetu pdim nebe tama ba kategoria b tuir kontratu 31 de dembru remata maibe tamba nia volume boot nebe ita reapropria fali ba dia 31 de marsu 2025.” Katak PAM Lautém Melio de Jesus ba Jornalista Lautém-Post.
Autoridade maximu iha Lautém ne’e hatutan, nia parte alerta ona kompanha sira katak re-apropriasaun ba fulan tolu ne’e ultimatu ba kompañia sira atu finaliza lalais obra refere, se lae sei hetan penalidade.
“ultimu extensaun iha dia 31 de Marsu. Hau koalia ona sira katak sira iha obrigasaun tenki remata se ida ne mak seidauk sira sei hetan penalidade.” Nia alerta.
Nia haklaken, Progetu PDIM hamutuk 6 iha munisipiu Lautém ne’ebé hetan re-aproriasaun mak hanesan konstrusaun kampu multifunsaun, konstrusaun edifisiu DNTT, ponte Bemoris, edifisiu eskola rua iha Leusari, uma antiga Caiwaca, no uma adat le-ziaval.
Iha sorin seluk engineiru komapanha Brovven unip.lda. Augusto Matoso Latu relata, katak konstrusaun ponte Bemoris nia parte garante katak sei finaliza obra ne’e antes tama iha 31 de Marsu tinan ne’e.
“Ami garante katak too iha 31 de Marsu hakarak ka lakohi tenki hotu, tamba nee tarde los ona agora dadaun 70% ona, ba medida ponte ho luan 7,15 metrus no nia naruk 12,6 metru ho nia total osan komstrusaun hamutuk 98 mil.” Dehan engineiru komapanha Brovven unip.lda. Augusto Matoso Latu ba Jornalisata Lautém-Post.
entretantu konstrusaun ponte bemoris ne’ekonstrui husi kompanha Brovven unp.lda. hahu iha fulan Julho too 31 dezembru tinan 2024 no hetan tan extensaun hodi finaliza iha 31 de marsu 2025.
Reportajen: Veru
Editor: Joenaca Tupa da Conceição
