Lautem: Natar ektares 10 resin abandona iha sucu Parlamentu, postu Lautém tamba kleur ona laiha Irigasaun bee natar.
Relasiona ho asuntu ne’e reprezentante Agricultor sucu Parlamentu Alfredo do Carmo husu ba ministeriu agricultora atu hadia irigasaun bee tama too iha komunidade sira nia natar.
“Ohin inagura ona bee matan ida ne’e diak ona maibe presija halo nia saluran para bee ne’e ba too iha natar laran nune agricultor sira bele halo ninia natar ho diak.” Katak reprezentante Agricultor sucu Parlamentu alfredo do carmo ba Lautém-Post foin loalais ne’e.
Iha sorin seluk xefe sucu Parlamentu Teovaldo Ceisar Silva haktuir natar abandona tinan barak nia laran tamba kauza husi irigasaun aat, maibe ho konstrusaun irigasaun foun ne’e bele fasilita fali agrikultor sira halo hikas sira nia natar.
“Durante ne’e komunidade halerik ba bee atu tau iha sira nia natar laran maibe ohin liu husi governu nia tulun liu husi PNDS bele hadiak fali baragen ne’ebé ohin fornese ona bee ba natar sira.” Iha sorin seluk xefe sucu Parlamentu Teovaldo Ceisar Silva
lider komunitariu ne’e hatutan, katak governu presija hadia diak liu tan irigasaun too iha komunidade nia natar laran. no presija mos ekipamentu atu nunee bele tesi ai horis ne’ebé moris iha natar laran tamba abandona kleur ona.
“Ami sei iha difikuldade balun ne’ebé presija hadia iha futuru konaba irigasaun nian husi baragen too natar nian, tamba abandona tinan barak ona aihoris moris iha laran ona ne’ebé ami presija ekipamentus pejados ruma hodi bele tesi.” Nia afirma
Relasiona ho preokupasaun ne’e diretur servisu munisipal agricultura Albertinu Jeronimo Konfirma, katak servisu munisipal agricultor durante ne’e oferese apoiu tekniku liu-liu ekipamentus maibe konaba ekipamentus hanesan pejado refere iha deit nasional tamba ne’e husu mos ba agricultor sira atu relata proposta ba nasional.
“preokupasaun ne’ebé agricultor sira hatoo ne’e tamba natar abandona kleur ona aihoris barak mak moris iha laran tamba ne’e ohin husu ona ba sira katak halo proposta ba nasional tamba ita nia ekipamentus boot hanesan eskavator iha nasional mak iha, nebe ita fo dalan atu sira hatoo proposta ba nasional, servisu munisipal agricultor so atu fo apoiu tekniku hanesan traktor ho hand traktor.” Katak diretur servisu munisipal agricultura Albertinu Jeronimo.
Diretur ne’e mos husu ba agricultor sira atu komtinua halo natar nune bele hasae produsaun aihan iha laran hodi bele responde ba ekonomia uma laran nian.
“Husu ba agricultor sira atu iha vontade hodi serbisu nunee fasilidade sira ne’ebé ita bot sira hetan ne’e uja ho maximu hodi hasae prodisaun aihan hodi atende ba ekonomia uma laran.” Nia hakotu.
entretantu ba projetu bareira irigasaun ne’e konstrui husi PNDS siklu 6 ho total orsamentu $ 48.750.00 iha aldeia moru, suku parlamentu.
Reportagen: Veru.
Editor: Joenaca Tupa da Conceição.
