Lospalos: Sekretariu Estadu Pekuaria liu-husi Diresaun Nasional Teknoligia Profesional Pecuaria (DNTPP) halo sosializasaun ba tekniku agricultor sira liu-liu area pecuaria iha munisipiu Lautém konaba oinsa atu hasae kualidade naa ne’ebé higene, fresku no saudavel Presiza liu-husi mataduru ne’ebé seguru.
Tekniku superior DNTPP Venacio Oliveira informa, objektivu husi sensibilizasaun ne’e atu fahe informasaun ba tekniku agricultor sira liu-liu area pecuaria atu hare grupu no individu sira ne’ebé iha interese atu halao aktividade produsaun pecuaria nian nunee bele iha koiñesimentu oinsa atu asegura produsaun pecuaria.
“Objektivu atu sensibilizaun sistema servisu matadoru nian, no lisensiamentu aktividade ekonomika iha area pecuaria nian atu tekniku agricultor sira bele identifika ema sira ne’ebé iha interese oho animal hodi faan, para atu fasilita sira. Tantu kapasitasaun material no fasilidade atu nune kualidade matadoru no serbisu matadoru lao ho diak.” Dehan nia ba Jornaliata Lautém-Pos, kuarata(22/01) foin lalais ne’e.
“Ne’ebé Labele depende deit ba importasaun husi rai liur maibe pelu menus ita iha produtu lokal ne’ebé iha nunee bele tuir regra ne’ebé iha.” nia afirma.
Tekniku ne’e dehan, matadoru ne’ebe iha kada munisipio sira dadaun ne’e seidauk bele prense kriteria atu sai fatin matadoru maibe konsidera fatin ba oho animal tamba sira la priense criteria, hanesan menus rekursu no fasilidade ba matadoru nian seidauk kompletu.
“Ita haree realidade iha kampu laos matadoru maibe fatin atu oho animal, se matadoru ita presija rekursu no fasilidade labele oho animal iha fatin-fatin iha komunidade nia leet tamba ne’e fo impaktu ba komunidade nia saude nebe ida nee ita labele konsidera hanesan fatin matadoru tamba ida ne’e seidauk tama iha kategoria fatin matadoru nian.” katak Tekniku superior DNTPP ne’e.
Iha fatin hanesan Administrador Postu Administrativu (APA) Iliomar Fernando Cardosu de Deus haktuir, sensibilizasaun ne’ebé governu halo dadaun ne’e prepara ba futuru nunee bele kria kondisaun ne’ebé diak liu-liu oinsa halo fatin matadoru ne’ebé seguru ba komunudade sira atu halo aktividade pecuaria nian.
“Iha tinan uluk iha ona sensibilizasaun sobre pecuaria no veterinaria, agora ba matadoru nian prosesu preparasaun ba nia fatin sira tuir prosesu maibe iha nia vantagen bot ba estado no komunidade.” Katak APA Iliomar ne’e.
Entretantu liga ho fatin matadoru ne’e parte diresaun tekniku nasional pecuaria no veterinaria rekomenda ba agricultura munisipiu Lautém liu-liu tekniku area pecuaria nian atu hadia fatin oho animal nunee bele kontroladu no seguru ba ema hotu.
Reportajen: Veru
Editor: Joenaca Tupa da Conceição
