Lospalos – Banku Nasional Komersiu Timor-Leste (BNCTL) Munisipiu Lautem, komesa iha Loron 14 de Augustu hahu ona halo pagamentu ba benefisiariu sira ne’ebe kompostu husi Idozus no ema ho Defisiensia sira.
Pagamentu ne’e ba dahuluk halao iha Edifisiu BNCTL Sukursal Lospalos, Suku Fuiloru, Postu Administrativu Lospalos, Munisipiu Lautem.
Diretur BNCTL Munisipiu Lautem, Agustinho Dias Fernandes hateten dadus Benefisiariu sira ne’ebe atu hetan nia direitu ba Idozus no ba maluk defisiensia ne’e hamutuk 5851 benefisiariu.
“ Husi total ida ne’e kompostu husi idozus hamutuk 564 pessoas, no maluk Defisiente hamutuk 287”, Diretor BNCTL Munisipiu Lautem hato’o kestaun ne’e ba Lautem Post, Segunda (14/08/2023), iha nia fatin Lospalos.
Tuir nia, depois ida ne’e ekipa BNCTL sei kontinua halo pagamentu ba Postu Administrativu 5 ne’ebe iha Munisipiu Lautem nia laran ne’e.
“ Ekipa BNTL sei kontinua halo pagamento iha Loron, 22 ne’e ba Posto Administrativu Lore, tuir fali ba Posto Admistrativo Iliomar iha Loron 23 to’o 25, Posto Administrativu Tutuala iha Loron, 28 to’o 29 iha Fulan Augusto, kontinua halo pagamento ba Benifisiariu sira iha Postu Luro nian iha Loron 4 to’o 6 fulan Setembru, ikus sei remata iha Postu Administrativu Lautem iha Loron, 11 to’o 18 de Setembro tinan 2023”, Diretur ne’e esplika.
Diretur ne’e mos aumenta, Benefisiariu sira ne’ebe atu simu osan Idozus nian inklui Maluk ho Defisiensia sira ne’ebe nia Dokumentus, Bileti Identidade (BI), sidauk iha tenke esforsu a’an hodi trata.
“ Tamba, Faze tuir ou tinan oin mai mak Superior sira keta iha Planu mudansa ba Dokumentos,
Benefisiariu ho obrigatorio tenke iha (BI), Benefisiariu sira teke trata nia Bileti Idetidade (BI), atu nune’e BNCTL hodi fasilita ho diak no foti dados ho lo’os, Tamba antes ne’e BNCTL fahe ona informasaun liu husi Media no Anusio ona Publiku”, nia dehan.
Tuir nia Pagamento Ba Benefisiariu ne’ebe lao ladiak no moras, ou baixa iha Hospital nomos iha Munisipiu seluk la presiza atu mai foti kedas sira nia direito iha sira nia Munisipiu rasik, maibe Familia bele ba aprezenta ka konfirma ba BNCTL iha Munisipiu ne’ebe sira hela ba, tamba Ekipa BNCTL iha fatina ne’eba hodi fasilita ba idozus sira iha fatin neebe sira Hela hodi atende sira nia Saude.
Reportagen : Paulus Leo/Sozinho
Editor : SAQHALISTA
