Iliomar: Lideransa comunitaria husi sucu Tirilolo, Postu Administrativu Iliomar Municipiu Lautem Deskontente ho kriteria ho criteria apoiu Dezastre ne’ebe mak Autoridade Protesaun Civil(APC) minispiu Lautém fó, liu husi apoiu sasan emergensia ba familia afetadu sira, maibe la dauk apoiu material rekoperasaun ba uma hirak ne’ebe mak hetan ona estragus husi anin bo’ot.
Sefe aldeia Tirilolo sucu Tirilolo postu Administrativu Iliomar Teodoru Pires hateten, nia komunidade hetan estragus ba nia uma husi anin, no konsege sobu kalen tahan lima 5. maibe iha verfikasaun ne’e hatudu katak familia vitima ne’e hetan deit sasan emergensia no la hetan material rekoperasaun tamba kalen tahan 5 deit mak monu sai husi kakuluk.
Lideransa Komunitariu ne’e husu ba governu da Sia(IX) atu hare didiak kriteria hirak ne’e hafoin implementa, tamba tuir nia kauza husi anin bot ne’e rezulta komunidade sira hetan estragus ba sira nia uma.
“Hau nia populasaun nia uma ne’ebe hetan dezastre ne’e kategoria Kaman, mais tamba anin sobu sai kalen 5 deit ne’ebe la konta tama kategoria a’at kaman ne’e mak hau nudar autoridade lokal sente triste.” Informa nia ba Lautém-Post foin lalais ne’e, Segunda(31/01)
Iha sorin seluk familia afetadu Joaquim Da Costa haktuir nia parte sente triste tamba nia uma hetan estragus husi anin bot maibe nia hetan deit sasan emerjensua husi APC Lautém tamba nia uma la tama kategoria hodi hetan materia rekoperasaun husi APC Lautém.
“Sente triste tamba nia uma nebe hetan estragus husi anin maibe hetan deit sasan energensia tamba la prense kriteria hodi simu materia rekoperasaun. Maibe hau tenki simu.” Tenik familia vitima ne’e.
Liga ho assuntu ne’e Diretor APC municipal Lautém Inspectur sefe polisia Tito Da Silva afirma, relasiona ho tipu ba kategoria dezastre nian, nia parte sei halo verifikasaun ba kondisaun uma sira ne’ebe mak hetan estragus.
Komandante ne’e informa relasiona ho vitima ne’ebé mak kalen tahan 5 mak monu sai husi kakuluk ne’e la tama ba kategoria ba estragus todan tamba ne’e nia konfirma katak vitima ne’e sei la hetan material ba rekoperasaun nian maibé sei hetan de’it ajudu emergensia nian.
“Anin boot ne’ebé foin lalais akontese semana rua liu ba kotuk ami halo verifikasaun, balun tama kategoria kaman no balun naton no balun la prense criteria. Tamba ne’e ba hirak ne’ebé tama kategoria sei hetan material rekopersaun no balun la prense kriteria ami so apoiu de’it sasan emergesia.” Katak komandante ne’e.
Entretantu hafoin APC Lautém hetan informasaun husi autoridade komunitariu, parte APC atende kedas ho sasan emergensia hanesan fos kilograma 50, mina bimoli litru 3, biscuit, kafe, masin midar, dancow, balde, muskateru, ikan sardina lata no sasan sira seluk ba vitima hirak ne’ebé mak hetan estragus ba sira nia uma.
Reportagen: Nandez Veru.
Editor: Joenaca Tupa da Conceição
