Lospalos: kliente ne’ebé trata billete identidade (BI) iha munisípiu Lautem, lamenta ho atendimentu diresaun servisu konservatóriu rezistu notariadu(DSRN) Lautem, tamba simu kliente nain 50 deit kada loron.
Kliente balun ne’ebé hela iha postu administravu seluk hanesan, Lóre, Lautem, Tutuala, Iliomar no Luro tenke mai trata ninia billte identidade iha postu administravu Lospalos vila.
Komunidade husi postu admnistrativu Lautem, Osoriu Xavier Amaral, tenke gasta osan dolar $5, selu kareta husi postu Lautem ba postu Lospalos (ba mai) hodi trata dokumentu.
Maibe, nia sente lamentavael ho atendimentu notariadu ninian tamba kada loron simu kliente limitadu.
“Ami mai trata ami nia dokumentus, tékniku sira simu ema limitadu, ami mai husi dook dala ruma ba mai transporte mos kusta.” kliente ne’e lamenta.
Kliente herlinha da silva, hein trata dokumentu durante loron rua ona maibe seidauk konsege trata kartaun billete identidade. Tamba ne’e husu tékniku notariadu lautem atu atende klientes bainhira iha ona resintu notariu ninian.
“Tuku 6 ami mai ona mais sira simu 50 pessoas deit, ne’ebé ami fila deit ami mai loron rua ona maibe seidauk nafatin trata dokumentu”, tanba ne’e, kliente sujere ba responsavel diresaun notariadu atu halibur kliente nia dokumentu hodi prosesa.
“Semana ida mak mai foti mos labuat ida, naran katak ita mai iha notariadu sira atende ita.” Nia sujere.
Diretur servisu munisipal konservatoriu rezistu notariadu, Amandio Alves Gomes, esplika, tekniku sira simu ema limitadu tanba iha diresaun notariadu nee funsionariu la sufisiente.
Parte notariafu simu ema limitadu ne’e ho intensaun ida katak, kliente tenke foti kedan dokumentu ne’ebé trata ona..
“Husu ba komunidade lautem katak iha mudansa horariu ba atendimentu, loron ida ami simu 50 pessoas tuir ami nia rekursu nebe iha, no ami simu sira nia dokumentu hatama ba sistema no sira foti kedas iha parte lokraik,” diretor nee esplika.
Entretantu, atendimentu ba dokumentus hanesan sertidaun nasimentu, guia óbitu no sertidaun kazamentu hahu husi loron segunda feira to’o quarta feira.
Jornalista : Veru
Editor : BA
