Lospalos: Ministeriu Justisa (MJ) sei estabele balkaun unika iha diresaun servisu Munisipal registu notariadu sira, hodi nune’e bele responde asesibilidade ba sistema atendimentu dokumentus sivil ba komunidade sira ho lalais.
Ministru Justisa Sergio Da Costa Hornai hatete, sei estabelese balkaun unika iha diresaun servisu Munisipal registu notariadu sira, nune’e bele responde lalais komunidade sira nia asesibilidade ba B.I. passaporte inklui dokumentus sira seluk ho lalais.
“Serbisu triagen agora lao dadauk hela hanesan ita atu estabelese balkaun unika hanesan forma unika para bele fó resposta iha asesibilidade lalais ao mesmu iha espasu ida ke naton, atendimentu bele nafatin halo iha servisu sira ne’ebé diresaun registu notariadu ba atendimentu B.I, pasaporte no kartaun sira seluk.” Dehan nia, bainhira halo sosializasaun ba komunidade sira iha suku Souru.
Governante ne’e afirma, atu estabele balkaun unika iha munisipiu, nia parte sei kordena ho presidente autoridade munisipal no linhas ministeriais sira hotu.
“Eziste balkaun unika para atu bele halo atendimentu sira iha ne’eba, entaun iha ne’e sei iha kordenasaun integral hamutuk ho prezidente autoridade, linhas ministeriais relevantes para atu halo artikulasaun ba servisu sira ne’e hodi fó asistensia.” Katak guvernante ne’e.
Nia hatutan, koalia espasu iha diresaun nian sei natoon para atu bele prezerva ka konserva dokumentus ruma no atendimentu bele alarga ba iha ne’eba. agora dadaun ita halo hela para atu iha espasu ida dignu ba ita nia instituisaun ne’ebe iha ona munisipiu ho atendimentu dignu.
Rekorda fali katak, dadaun ne’e diresaun servisu munispal registu konservatoriu notariadu munispiu Lautem halo atendimentu ba klientes ho limatadu tuir rekursu ne’ebé sira iha, alende ne’e, dadaun ne’e laiha ona espasu atu arkiva dokumentus inklui mos makina inprimesaun bá B.I avaria.
Jornalista: Veru
Editor: Joenaca Tupa da Conceição.
