Lospalos: Hafoin governu deside hapara profesores kontratadu nia kontratu iha territóriu nasionál, eskola sekundária jeral Lere Anan Timor, mantén manorin-nain na’in 16 hodi hanorin matéria ba estudantes, maibé ninia insentivu depende ba enkarregadu edukasaun ninia kontribuisaun.
Diretur eskola sekundária geral Lere Ana Timor, Olandino da Costa Belo, hateten, profesor kontratu ne’ebé hanorin estudante sira, hetan insentivu husi inan aman.
Insentivu ne’ebé profesores kontrataus sira hetan, liu husi kontribuisaun inan-aman ho montante $5 ba kada estudante sira.
“Kontribuisaun inan-aman la aplika ona, difikulta ba ensinu aprenzijazen tamba profesor kontratu hanorin siensia ezata, ida ne’e dala ruma ami hapara hotu ona. tamba la iha ona insentivu hodi insentiva professor sira,” nia preokupa.
Total profesores iha eskola refere hamutuk ema nain 43 kompostu husi permanente hamutuk 27 kontratadu hamutuk 16.
Enkuantu total estudante hamutuk 812 kompostu husi ciencia teknologia no ciencia social humanidade.
Reportajen: Veru
Editor : B.A
