Lospalaos: Tenente general reformado Lere anan Timur(LAT), ne’ebe sai mos mahein ba Eskola Secundariu geral Lere Anan Timur Lospalos, husu ba ministeriu edukasaun atu perioridade ba Dezemvolvimentu sektor edukasaun iha Timor-Leste tanba edukasaun mak seitor ne’ebe fundamental ba dezemvolvimentu nasaun nian.
Lere hateten edukasaun mak seitor ida ne’ebe fundamental tebes hodi transforma ema atu sai ema. Tamba ne’e nia husu ba Ministeriu Edukasaun atu buka meios oi–oin hodi bele rezolve problema edukasaun nian ne’ebe mak kontinua sai prukupasaun husi povu.
“Ita Atraza iha seitor edukasaun, Lolos investimentu bo’ot iha edukasaun. Tamba edukasaun ne’e importante liu no fundamental ba dezenvolvimentu nasaun nian”. katak mahein Ensinu Sekundariu Geral Lere Anan Timur Lospalos ne’e ba Jornalista media Lautém-Post.
General reformadu ho fitun tolu ne’e preukupa, dadaun ne’e Eskola sekundariu geral Lere anan Timur sei menus sala de aula no laiha biblioteka inklui lboratorium ba estudante sira atu halo pratika.
“Ministeriu tenki hare problema edukasaun nian anivel nasional, tamba eskola ne’e laos iha ne’e deit husi loro monu to’o lorosae no rai klaran. Tenki preokupa ba nia problema, sei falta sala de aula no falta professor buka oinsa para bele rezolve,” katak Tenente General reformado ne’e.
Iha sorin seluk diretor eskola secundariu geral Lere anan Timur Olandino Da Costa belo haktuir, katak dadaun ne’e sala de aula iha eskola secundariu geral Lere anan Timor sei menus ba estudante sira, tamba ne’e husi parte eskola fahe estudante sira ba turma dader no lokraik.
“Sala de aula agora dadauk ami iha turnu rua. Turma dader ne’e ita uja sala 13 no turma lokraik ita uja sala 9. sala ne’ebe iha ne’e hamutuk 12, ida ita uja ba tekonoligia multi media nian ida. Ne’e mak ami sei dehan sala sei menus tamba seidauk kobre ba turma ne’ebe iha.” Hateten diretor eskola secundariu geral Lere anan Timur, Olandino Da Costa belo ba media Lautém-Post.
Nia hatutan alen de menus sala de aula, eskola refere mos laiha biblioteka ba estudante sira inklui laiha laboratoriun hodi difikulta estudante sira atu halo pratika no asesu ba livru relasiona ho material eskola nian.
“Konaba laboratoriu ami laiha no laiha biblioteka, difikulta ciencia exzata sira halo pratika. Difisik ituan tamba laiha labiratorium, depois biblioteka ne’e mos problema ituan tamba ida ne’e mos ajuda estudante sira atu haklean sira nia siensia liu husi materia nebe profesor sira hanorin.” Haktuir diretur husi Eskola Lere Anan Timor ne’e.
Entetantu dadaun ne’e total estudante husi ESG Lere Anan Timor hamutuk nain 812 kompostu husi ciencia teknologia no ciencia social humanidade.
Reportagen: Veru
Editor: Joenaca Tupa da Conceião
