Lospalos: Ekipa konjunta disiplinar administrasaun publika no utilizasaun patrimoniu estadu halo vizita ba instituisaun estadu iha munisipiu Lautem.
Durante vizita, ekipa konjunta identifika menus rekursu umanus, problema sistema foun iha diresaun rejistu notariadu lautem .
Komisáriu asuntu disiplinar husi komisaun funsaun publika, Agapito Da Conceição, hatete, vizita ba kada instituisaun sira iha lautem ne’e, atu rekolla problema sira ne’ebé instituisaun enfrenta, nune’e bele relata ba ministériu relevantes atu responde.
“Ami sei relata ba ministériu kompetente kona-ba problema sistema no fasilidade ne’ebé impede atendimentu públiku,” nia esplika.
Ekipa konjunta kompostu husi komisaun funsaun publika, komisaun anti korrupsaun, institutu jestaun ekipamentus no patrimóniu estadu ne’ebé reprezenta ministériu finansas.
Jornalista: Veru.
Editor: BA.
