Lospalos- Prosesu implementasaun uma naroman ba povu (UNP) iliomar sai primeiru lugar, tamba serbisu ho ekipa ne’ebé forte, no implementa tuir tempu, iha Iradarat, Iliomar 1, postu administrativu Iliomar munisípiu Lautém.
Administradór munisípiu Lautém, Domingos Savio, agradese ba komunidade no autoridade lokál Iliomar tanba bele implementa UNP reguler no UNP plus tuir tempu.
“Orgullu tebes no apresia ba governu nia planu ne’ebé fornese UNP Plus, UNP Regular. Sira kontente depois sira mos halo deklarasaum sei laa aluga ba ema seluk.
dehan Savio, 22/09/.
Implementasaun UNP iha Lautém, postu administrativu Iliomar sai primeiru lugár tanba ekipa konstrutora konstrui uma tuir tempu.
” Rezultadu serbisu hatudu, deside iha reuniaun konsultivu munisipal UNP susesu iha Lautém, Postu Iliomar mak primeiru lugar, Segundo Lautém, terceiro postu Lospalos”, nia avalia.
Diretór Programa Nasionál Dezenvolvimentu Suku-PNDS, munisípiu Lautém, Alcino da Silva, hateten, UNP plus iha Iliomar unidade 55 atinje 100%, unidade uma 77 hela porsentu 4 atu kompleta.
“UNP implementa iha tipu rua, UNP regular, no UNP plus, ohin inaugurasaun barak liu mak UNP plus, UNP regular hamutuk 55 unidade konklui 100%, ejekusaun mos 100%. ho unidade uma hamutuk 77. Progresu implementasaun falta 4% hodi atinje ba 100%”, semana rua ou tolu bele konklui”, diretór nee otimista.
Benefisiáriu UNP regular, Tonitu Bernandino, sente kontente no agradese ba estadu no autoridade lokál tanba bele hetan uma..
Entretantu total orsamentu $946.000 (rihun atus-sia hat-nulu resin-neen) aloka ba UNP regular kada uma hetan $17.000 (rihun sanulu-resin-hitu).
Reportajen: Veru Fernandes.
Editor : Black Angel
