Lospalos: Estrada liga husi aldeia Ili-lapa no mota Chinver postu administrativu Lore ne’ebé oras ne’e nia kondisaun at grave, sei aterru, antes tama ba loron reestaurasaun independénsia ba dala 22.
Administradór postu administrativu Lore, Joanico da Costa, informa, autoridade postu Lore konfirma ona kompañia Ilieção atu aterru etrada iha tempu badak.
“Ohin ami ko’alia ona ho prezidente autoridade munisipál ho kompañia Ilieção, nune’e sira sei aterru estrada ho distánsia kilómetru 2”, tenik nia.
Administrador postu lore ne’e esplika, antes ne’e nia parte halo ona pedido ba Prezidente autoridade Munisipál Lautém no Instituisaun Gestaun Ekipamentu (IGE) atu normaliza estrada refere, maibe IGE sei okupa ho servisu seluk.
“Kona-ba infrastrutura ami mós halo ona pedidu urjente ba Prezidente autoridade munisipál atu rezolve lalais tamba ita hare tempu udan estrada aat tebes”, nia argumenta.
Entretantu Ba estrada postu Lore hatama ona iha planu asaun anuál (PAA) 2025 nian no tama iha grande projetu .
Reportagen:Veru.
Editor : B.A
