LOSPALOS: Ahi-han motuk uma ida no sasán uma laran la konsege salva iha Aldeia Ira-Ara, Suku Fuiloro, Postu Administrativu Lospalos, munsipíu Lautém.
Akontesimentu ne’e akontese iha tersa ne’e, loron 3 setembru, iha tuku 8:30, dader.
Kazu insendiu ne’e rezulta uma komunidade konsege motuk no sasan uma laran la konsege salva hotu inklui dokumentu importante balun, maibé laiha vitima mortál.
Vitíma Erviana da Costa Fernandea konta nia kronolojia katak kazu insendiu ne’e akontese nia rasik la hatene motivu loos tanba ahi-han derepente de’it ahi komesa lakan mak foin sira hakfodak hotu.
“Ohin dadersan ami sai ba tuur iha ama sira iha uma sorin, ne’ebé ami lahatene kauza husi insendiu ne’e kauza husi sirkuítu eletrisidade ou lae, maibé ahi lakan ulhk husi uma laran. Ami mós la chok buat ruma, maibé chas telefone de’it. Ne’ebé ami derepente ka sente hakfodak tanba ahi komesa lakan boot, nune’e ami rega ho bee maibé la konsege hamate, nune’e sasan uma laran no dokumentu importante la salva hotu,” dehan vitima ne’e ba Lautém Post ho triste iha Ira-Ara, ohin.
Ho insendiu ne’e, Xefe Departamentu Diresaun Nasioná Jestaun Risku Dezastre Munisípiu Lautém,Olficancio Palau Flores, hatete, kazu insendiu sira nia parte hetan ona kontatu husi Xefe Aldeia no tun oan direta ba fó apoia emerjénsia.
“Ohin destatre ne’ebé akontese iha Aldeia Ira-Ara ne’e ami fó ona apoia emerjénsia hanesan hahan nk la’ós hahan”, nia afirma.
Nia konsidera dezastre ne’e tama ba kategoria aat totál nune’e nia parte informa ona ba Nasionál atu bele apoia mós matéria rekuperasaun ba uma.
Entretantu, Autoridade Protesaun Sivil liuhusi Diresaun Bombeiru, CVTL to’o fatin hodi apoia vitima sira.
Apoia emerjésia ne’ebè vitima hetan mak foos saku 6, biti, mina, dancow, biskuat, suprimei, no sasan dapur nian.
Reportajen : VERU
Editór: Helefatil
