TUTUALA – Illa Jaco nudár rai ketan ida, lokaliza iha postu administrativu Tutuala munisípiu Lautém.
Animal fuik nia moris iha illa Jaco depende de’it ba udan-been no du’ut fuik.
Maibé, iha tempu bailoron, Bee menos no du’ut maran, halo rusa fuik susar ba hahan.
Governu halo esforsu oioin, fornese Bee moos ba rusa hodi konsumu.
La’ós ne’e de’it, maibé, Ministro Agrikultura, Pekuária, Peskas no Florestas, sei identifika ai-oan hodi kuda iha illa Jaco, nune’e bele fornese ba rusa fuik.
Ministru Agrikultura, Pekuaria, Peskas no Florestas, Marcos da Cruz, hateten, rusa fuik iha illa Jaco barak mak mate tanba la iha du’ut no Bee.
“Objetivu viizta ne’e, haree kondisaun bibi rusa. Tenke kuidadh rusa atu labele mate tan, governu instala ona tanke Be’e hodi kapta udan-ben, nune’e rusa bele konssumu“, dehan governante, hafoin vizita illa Jaco, sesta-feira (08/12).
Ministru argumenta, balada sira sai hanesan objetu turistiku hodi atrai turista sira.
“Animal fuik (rusa) hanesan objetu turistiku, atrai turista lokal no estranjeiru hodi vizita Timor“, dehan nia.
Tuir dadus rusa fuik iha illa Jaco hamutuk 7 mak mate ona.
Reportagen : Veru Fernandez.
Editor : Black Angel