Lospalos – Komandante PNTL municipiu Lautem Superintendente Polisia Antonio Rego Fernandes informa, durante prosesu eleisaun suku ronde daruak to’o prosesu kontagen ba buletin de votus husi sentru votasaun 80, iha sucu 16, munispiu Lautem lao hakmatek. Tanba hetan koperasaun diak entre entidades no komunidade sira iha munisipiu Lautem.
” Prosesu eleisaun iha municipiu Lautem to’o kontagen buletin de votus lao kontroladu, tamba ita iha koperasaun diak ho entidade sira no mos ita nia komunidades sira hotu iha ita nia municipiu.” Katak komandate PNTL munisipiu ne’e ba Lautem-Post, iha nia knar fatin, (16/11).
Superintendente ne’e haktuir, durante prosesu eleisaun suku ba ronde dahuluk no daruak lao hakmatek iha munisipiu Lautem. tamba PNTL munisipiu Lautem hetan mos apoiu seguransa husi membru F-FDTL no BOP husi Baucau, hodi haforsa seguransa durante prosesu eleisaun ba orgaun sucu ne’e lao iha ronde dahuluk no daruak iha munisipiu Lautem.
“PNTL Lautem mos hetan apoiu husi ita nia F-FDTL Baucau no hetan apoiu husi komando jeral ne’ebe fo apoiu ita nia ekipa Batalao Orden publiku (BOP) hodi haforsa PNTL Lautem ,hodi asegura seguransa iha eleisaun orgaun sucu nian iha municipiu Lautem.” Nia aprofunda.
Hafoin Eleisaun Suku Lao Ho Suxesu PNTL Lautem Agradese Ba Apoiu husi F-FDTL Iha Lautem
Komando PNTL Municipiu Lautem agradese, ba menbru F-FDTL kompomente Terrestre iha Baucau ne’ebe mak sempre disponivel hodi asegura Prosesu elensaun suku iha Lautem. Wainhira komamdo PNTL munispiu Lautem presiza.
Komandante PNTL Munisipiu Lautem Superintendente Polisia Antonio Rego Fernandes subliña, prosesu hotu bele lao diak no hakmatek durante eleisaun suku. Tanba komando PNTL hetan apoiu no kolaborasaun diak entre parte F-FDTL no PNTL iha munispiu Lautem. tanba ne’e nia agradese ba Instituisaun defeza ne’e tanba fo ona apoiu seguransa iha Lautem durante prosesu eleisaun ne’e lao.
“koperasaun serbisu lao diak tebes tamba wainhira komando presija apoiu, komponente terrestre Baucau sira nafatin iha posibilidade no fo apoiu ba seguransa ba membru PNTL iha municipiu Lautem.” Tenik komandante Munisipiu ne’e.
Reportagen: Veru Fernandez
Editor: Joenaca Tupa da Conceição
