Tutuala: Grupu cooperativa cu-adorada, harii iha tinan 2021 iha postu adminsitrativu Tutuala, munisipiu Lautem, ho nia atividade rai no empresta no atividade negosiu seluk.
Kooperativa ne’e, husu Secretariu Estadu Cooperativa atu apoia komputador no formasaun ba membru kooperativa inklui harii edifisiu.
“Ami presija tebes formasaun kontabilidade. Ami seidauk iha sede tanba durante ne’e, ami uja hela fundasaun saudozu Nino Konis Santana nian. Ami presija mos komputador para hafasil ami nia relatoriu. ami halo on proposta atu hatoo ba secoop tinan oin ami hatoo ona,” Prezidente grupu cooperativa cu-adorada, Ervacio da Costa Gimaraens, husu.
Administrador postu administrador Tutuala, Carlito Perreira, rekomenda ba Sekretáriu Estadu Kooperativa, apoia grupu coperativa cu-adorada ne’ebé eziste tinan tolu ona maibé seidauk hetan apoiu ruma husi governu.
“Governu presiza apoia cooperativa ne’ebe eziste ona atu nune’e dezenvolve sira nia atividade,” administrador arguementa.
Tinan oin governu apoia grupu sira neebe presija maibe presiza halo pedidu, nune’e governu hatene grupu nia nesesidade.
“Ba future governu apoia maibe depende ba pedido tamba prinsipiu cooperativa nee atu sai membru ho hakarak rasik serbisu hamutuk fiar malu ne mak sai hanesan nain ba cooperative,” Secretariu Estadu Cooperativa, Arsenio Perreira da Silva, promote.
Grupu CU-adorada ne’ebe estabelese iha tinan 2021. Iha nia membru, 61 kompostu husi feto 42 no mane 19.
Reportagen: Veru
Editor: B. Angle
