Lospalos: Ministeriu Administrasaun Estatal (MAE) halo konsultasaun sidadania ho autoridade munisipal Lautem no lider komunitariu sira, hodi rona diretamente programa prioridade ne’ebé mak autoridade munisipal Lautem sei tau ba prioridadde iha Planu Aksaun Anual (PAA) 2026.
Vice Ministru Administrasaun Estatal Jacinto Rogiberto De Deus, hateten, objektivu husi sorumutu ne’e atu rona diretamentu husi autoridade munisipal sira kona-ba programa saida mak sei prioritiza ba iha Planu Aksaun Anual(PAA) tinan 2026 nian.
“Konsultasaun sidadania sobre programa no planu 2026 nian para atu rona programa ne’ebé sai nudar prioridade iha 2026 ne’ebé sei aprezenta husi kada liñas ministeriais. No rona komentariu, observasões, husi baze liu-liu husi autoridade sira aprezenta ba ministeriu financas nune’e bele tau iha planu aksaun anual 2026 ho nia orsamentu.” Dehan nia ba Lutem-Post, Quinta (13/03) foin lalais ne’e.
Governante ne’e afirma, kada munispiu sei identifika programa prioridade sira maibe atu hetan aprovasaun ba programa refere depende mos ba kbiit orsamentu.
“Depende ba nesesidade ne’ebé kada munisipiu iha, nomos depende ba kbiit orsamentu ne’ebé mak tau.” Nia refoforsa tan.
Iha fatin hanesan Prezidente Autoridade Munisipal (PAM) Lautem Melio De Jesus, haktuir, sorumutu ne’e nudra faze dahuluk ba autoridade munisipiu Lautem no sei kontinua konvokasaun enkontru ho konseillu konsultivu no konseillu kordensaun muniispal hodi deside programa ne’ebé sei sai prioridade iha planu aksaun anual 2026 nian, hodi submete ba ministeriu Estatal.
“Faze preparasaun ba Planu Planu Aksaun Anual (PAA) 2026 antes submete tenki halo komsultasaun sidadania, depois de hotu tau ba diskusaun konseillu konsultivu no konseillu kordenasaun munisipal para hili ona sai planu no programa ne’ebé ita enkaixa ba PAA 2026 munisipiu Lautem nian hodi supmete ba ministeriu administrasaun estatal.” Nia informa.
Autoridade maximu Lautem ne’e afirma, dadaun ne’e kada postu administrativu sira hahú identifika ona programa prioridade liu-husi kada asemblea suku no relata ona ba postu administrativu hodi kontinua ba munisipiu.
“Agora dadaun kada postu administrativu asembleia suku lao ona, enkontru suku lao ona no lori ona ba postu no asembleia postu diside programa prioridade sira hodi kontinua lori mai iha munisipiu no muniispiu konvoka konseillu kordenasaun munisipal hodi deside hetan aprovasaun sai prioridade ba planu aksaun anual.” Nia dehan.
Antes ne’e, iha tinan kotuk(2025) munisipiu Lautem iha programa prioridade hamutuk 32 ba kapital dezenvolvimentu maibe aprova deit programa 6, tamba ne’e autoridade munisipal Lautem kontinua prioritiza programa hirak ne’ebé la konsege passa iha tinan 2025 nian ba PAA 2026 hodi relata ba ministeriu Estatal.
Entretantu iha sorumutu kordenasaun dezenvolvimentu munisipal Lautem (konsultasaun sidadania) ne’e hetan partsipasaun maximu husi diretores servisu munisipal sira, inklui sosiedade sivil, religiozus no reprezentante partidos politukus sira.
Jornalista: Veru.
Editor: Joenaca Tupa Da Conceição.
