Lospalos: Ministeriu Solidaridade Sosial no Inkluzaun(MSSI) liu husi diresaun nasional koperasaun serbisu paraseira atravez centru solidaridade sosial inkluzaun munisipal Lautém, desima lei no 25/2017 , 26 de junho ba instituisaun solodaridade social ne’ebe eziste iha Lautém konaba regime juridiku instituisaun solidariedade social hodi hetan utilidade social.
Diretur centru solidaridade sosial no inkluzaun Munisipal Lautém Paul Da Silva Pinto informa, objetivu husi desimina lei ne’e atu komprimenta serbisu protesaun social ba ema vuneravel sira, liu liu atu oinsa bele priense instituisaun solidaridade social nian ho nune’e bele asesu ba prestasaun serbisu sira ba atribuisaun utilidade social.
“Objektivu desiminasaun ne’e, atu bele atribui serbisu ligadu ba instituisaun social ne’ebe ministeriu delega serbisu atu komprimenta serbisu protesaun social ba ema vuneravel sira. No oinsa atu prense instituisaun solidaridade social nian ba ministeriu atu nune’e sira bele asesu ba prestasaun serbisu liu-liu atribuisaun ba utilidade social.” Katak nia ba Lautém-Post, Kuarta(14/08).
Tuir nia durante ne’e entidade balun seidauk hetan utilidade social husi MSSI maibe sai hanesan ona parseiru hodi hetan apoiu sosial, tamba ne’e nia hateten iha biban ne’e entidade sira bele registu ona hodi hetan lezitimasaun.
“Entidade ho utilidade social la hanesan ida ne’ebe hetan ona utilidade social mak ministeriu bele fo apoiu katak iha ona lejitimadade juridikamente tama ona instituisaun solidaridade social, ba sira ne’ebe seidauk rejistu ne’e hanesan entidade ne’ebe parseiru hodi fo apoiu social.” Nia esplika.
Iha sorin seluk Secretariu adminiamstrasaun financas munisipal Lautém Francisco Dos Santos husu ba instituisaun solidaridade social no entidade sira atu tau responsabilidade hodi apoiu wainhira hetan apoiu husi governu.
“Ba apoiu sira ne’ebe governu fo liu husi centru solidaridade social no inkluzaun, iha nivel munsipal ne’ebe hetan apoiu husi governu presija jere ho responsabilidade nune’e governu ka agensia ne’ebe fo ajudos sempre iha nafatin konfiansa.” Nia Akresenta.
Entretanto instituisaun solidaridade social ne’ebe hetan ona utilidade sosial iha munisipiu Lautém hamutuk 4, kompostu husi instituisaun Uma Mahon Lospalos Luzeiru, Centru Imaculada Conceicao Moru, Orfonatu São Paulo Lospalos, no Centru Comunitariu Canossa Lospalos.
Alen de ne’e entidade Parseria sira ne’ebe mak hetan apoiu social husi CSSI Lautém iha 3 mak hanesan Misaun Fuiloru, FMA Morana no Madres ADM.
Reportagen: Veru
Editor: Joenaca Tupa da Conceição.
