Lospalos: Komandu jerál PNTL orienta komandante PNTL munisipiu Lautém husu komunidade Lautém ne’ebé iha motorizada maibé la iha dokumentu komprovativu atu rejista iha diresaun Nasionál Transporte Terrestre-DNTR, nune’e iha legalidade.
Komandante PNTL munisipiu Lautém, Superintendente, João da Costa, hetan orientasaun husi komandu jerál atu informa ba komunidade hodi rejista nia motorizada, nune’e hetan dokumentu legal.
“Aproveita oportunidade ne’e hodi rejistu motorizada sira, depois de rejistu sei rona orientasaun tuir fali mai para ba halo legalizasaun husi diresaun nasionál transporte terrestre.” komandante informa. Segunda-feira (19/08)
“Lori kartaun eleitorál no mós motor nia nota ‘kuitansi’ husi ema ne’ebé fa’an. Dokumentu balun la kompletu mós ami sei kompleta”, nia dehan.
Rejistrasaun ne’ebé hahú ona iha semana kotuk, rejista ona motoriza hamutuk 64, kompostu husi motor boot no ki’ik.
Reportagen:Veru.
Editor : B Angel
