LOSPALOS: Durante mandatu Prezidente Autoridade Munisipál Lautem sei la tolera hodi “black list” empreza ne’ebé hetan ona konfiasa ezekuta projetu, maibé la tuir kontratu no laiha kualidade.
Prezidente Autoridade Munisípiu Lautem, Melio De Jesus, informa projetu PDIM 15 ne’ebé empreza sira implementa ona Iha Lautem tenke servisu tuir termu kontratu ne’ebé asina ona.
“Projetu ne’ebé durante implementa ona iha Lautem no halo ona estende ne’e, iha ha’u nia mandatu laiha estende no projetu la tuir kontratu hodi laiha kualidade, mak ha’u sei fó sansaun penalidade ka Black List husi Lista kompañia Iha Lautem,” katak PAM Lautem ba Lautem Post iha kna’ar fatin, Lospalos, ohin.
Nune’e, nia fó hanoin ba Kompañia sira ne’ebé vensedór ba projetu tenke ezekuta ho resposabilidade tuir lei haruka.
“Durante, ha-u nia mandatu lakohi saida mak akontese iha passadu akontese fali”, katak.
Entertantu, Projetu PDIM 15 ne’e kompostu husi infrastrutura hanesan reabilitasaun edifísiu eskola 5, kanalizasaun be’e rua, kampu multifunsaun, edifísiu DNTT, Mortuáriu, Armazein ida, parajen kareta ida, konstrusaun ponte tolu,
Reportejen: Veru
Editór: Helefatil
