Lospalos,11/08/2023(Lautem Post) – Secretario Estado Estado Peska Domingos da Conceiḉa҇o dos santos halo Lansamentu husik lenuk oan ba Tasi iha sentru konservasaun lenuk suku Com, postu lautem munisipiu Lautem.
Iha lansamentu ne’e Secretariu Estadu Pescas ne’e hateten, objetivu husi nia vizita ne’e atu hare direitamente progresu serbisu no dezafiu sira nebe mak durante nee Grupu sentru konservasaun sira hasoru.
“Objetivo husi ne’e atu hare grupo sira ne’ebe konserva lenuk oan iha com tamba grupo sira nia aktividade ne’e diak tebes, liu husi ami nia vijita atu hatene Desafio saida mak grupo sira infrenta”. Dehan nia ba Lautem Post iha sesta (11/08/2023) semana ne’e.
Iha sorin seluk chefe grupo sentru Konservasaun lenuk iha suku Com Raul Pereira hateten Maske sira halo ona konservasaun lenuk maibe problema ne’ebe mak nia grupu kontinua hasoru maka falta ekipamentos ne’ebe apropriado ba sira atu uja hodi halo konservasaun ba lenuk, alen de ne’e nia hatetn to’o ohin loron grupo ne’e sei kontinua halao servisu ho volontario
“Ami husu ba governo ba futuro se bele karik tau matan netik mai ami ou investe netik buat ne’ebe mak ami hakarak iha ami nia grupo ida ne’e”. tenik nia
Entertanto lenuk oan ne’ebe grupo sira konserva hamutuk atus lima resin no sira husik ona ba tasi laran.
Hare ba progressu serbisu ne’ebe mak gupu konservasaun lenuk ne’e halo ona, maske sei hasoru dezafiau barak, Administrador Municipio Lautem Domingos savio Agradese ba Agency Internacional UNDP tamba bele kapasita ona grupo sira kona ba oinsa atu konserva fatin ba lenuk oan no apoio fundos hodi konstrui fatin konservasaun ba lenuk no ikan nila.
Reportajen : Jenilda da cunha
Editor: Tupa Purutene
