Lautém: Komunidade Serbisu hamutuk ho Eletrisidade Timor Leste Empreza Públika (EDTL E.P) hahu hari ai-rin eletrisidade iha Bairo Sambuta, Suku Baralio, postu administrativu Lautém, Munisípiu Lautém.
Xefe aldeia Baralio, Gosme Freitas, iha esperansa atu hetan eletrisidade tanba tékniku EDTL.EP Lautém hahú harii ona ai-rin eletrisidade.
“Ai rin hamrik ona iha dalan, signifika [Tempu besik] ahi atu lakan ona.” Líder komunitáriu ne’e garante.
Sefe unidade EDTL.EP Municipiu Lautem, Chiquito dos Santos, hateten, komunidade no ekipa tékniku sira hahú dada liña eletrika.
“Ohin EDTL EP (unidade departementu de distribuisaun apoiu konsumidor) Prezensa iha aldeia baralio, sup aldeia sambuti, ho objektivu simbolikamente hari ai-rin hodi hala’o konstrusaun eletrisidade ho programa eletrifikasaun komunitaria.” Xefe unidade esplika.
Responsabel EDTL EP Lautem ne’e garante, instalasaun liña eletrika sei remata iha fulan Novembru.
“Serbisu tenkiku la promete fulan ho loron maibe iha fulan 4 ou 5 nia laran komunidade sei asesu, serbisu hahu iha dia 3 de juno, ohin ita halo simbolikamente hari ai-rin hodi hatudu katak serbisu hahu ona” nia garante.
Reprezentante administrador postu administrativu Lautem, Anibal Miranda, agradese ba komunidade no autoridade lokal sira tamba bele serbisu hamutuk ho ekipa EDTL EP Munisipiu Lautém.
“Ita ukun an, komunidade Baralio halerik ba eletrisidade maibé, agora dadaun hari ona ai-rin.” Nia apresia.
Entretanto instalasaun husi estrada nasional ba iha aldeia Baralio, Sup aldeia Sambuti ho distansia Kilometru 5 no ai-rin hamutuk 41.
Reportagen:Veru.
Editor : BA
