LOSPALOS – Nonu Guvernu liu husi Sekretariu Estadu Floresta aloka Orsamentu $ 112 Mill(Dolar Americano) hodi hari edifisiu foun ho medida 12 por 15 ba Parke Nasional Nino Conissantana iha suku Mehara postu Tutuala.
Objetivu Husi hari edifisiu ne’e atu Guarda Floresta sira bele utiliza hodi assegura Area Parke nasional Nino Conissatana, inklui Ailaran tuan no animal fuik sira hafoin tinan 15 deklara Area Parke Nasional.
Liga ho Implementasaun progetu ne’e, Secretariu Estado Floresta Fernandino Vieira Da Costa husu ba komunidade sira atu labele impede implementasaun Projetu Konstrusaun edifisiu parke nasional ne’ebe mak konstrui iha suku Mehara ne’e.
“Husu ba komunidade sira atu làbele halo impedimentu ba implementasaun edifisiu parke nasional nian ne’ebe mak sei konstrui iha sucu Mehara.” Katak nia hafoin lansa fatuk dahuluk ba Edifisiu Parke Nasional iha suku Mehara, Segunda(11/12)
Alen de ne’e, Governante ne’e mos husu ba kompaña Nakmasi Unipesoal LDA ne’ebe mak kaer obra ne’e, atu servisu tuir duni kontratu ne’ebe iha. Tamba konstrusaun edifisiu refere hahu ona iha loron 11 fulan dezembru no sei remata iha fulan Agusto tinan 2024.
“Husu mos ba kompanha nakmasi unipesoal LDA atu serbisu tuir konstratu nebe iha tamba kontratu edifisu nee hahu ona iha loron 11 fulan Dezembru no sei remata iha fulan Agusto 2024.”Dehan Guvernante ne’e.
Iha sorin seluk nain ba kompanha Angel unipesoal LDA engineiru Ino neves nu’udar manan nain ba prosesu enderizasaun hateten, nia parte sei garante obra ne’e hodi finaliza la to’o fulan 8. Tuir nia konstrusaun ne’e sei finaliza iha fulan Abril 2024 karik la hasoru obstakulu ruma.
“Ami garante katak obra refere sei la to’o iha fulan Agusto tinan oin, maibe ami sei finaliza iha fulan Abril 2024 karik ita la hasoru obstakulu. Konstrusaun edifisu ne’e ho total orsamentu hamutuk $ 112 mill (dolares Amerikanu) husi orsamentu 2023 nian, ho medida edifisu 12 por 15.” Dehan nain ba kompañia ne’e..
Entretanto Manan nain ba konstrusaun ne’e husi kompanha Agel Unipesoal LDA maibe iha implementasaun projetu ne’e sei implementa husi kompañia Nakmasi unipesoal LDA .
Reporter: Nandez Veru.
Editor: Joenaca Tupa da Conceição
