TUTUALA – Vice Primeiru Ministru, Ministru Co’odenador dos asuntos sociais, Ministru Dezenvolvimentu Rural e Habitasaun Comunitaria(Vice-PM,MCAS), ne’ebe akompaña husi secretario estado florestas no Administrador municipiu inklui Lian nain no autoridade lokal postu tutuala halo lansamentu fatuk dahuluk ba edifisiu parke nasional Nino Konis Santana Lospalos.
Vice-PM,MCAS Mariano Assanami Sabino hateten, objektivu husi konstrusaun edifisiu Parke Nasional ne’e atu ekipa guarda floresta sira bele utiliza ba servisu hodi bele halo kontrolu ba komunidade sira ne’ebe mak kasa animal fuik sira iha area protejidu parke nasional nian, inklui mos fasilita atu protege ai laran tuan sira.
“Parke nasional Nino Conissantana durante tinan 15 laiha edifisiu, tamba ne’e objektivu ba konstrusaun edifisiu ne’e atu ekipa guarda Floresta sira uja ba serbisu hodi halo kontrolu ba komunidade sira nebe halo kasa animal iha area protezidu parke nasional nune’e mos atu proteje balada fuik sira no mos ailaran tuan.” Katak Assanami iha nia Diskursu, Segunda(11/12).
Iha sorin seluk Administrador municipiu Lautem Domingos Savio Agradese ba governu, tamba bele konstrui ona edifisiu parke nasional iha lautem no apresia mos servisu guarda floresta sira nian, tanba maske laiha edifisu durante ne’e maibe hatudu nafatin sira nia serbisu diak iha terrenu.
“Agradese ba governu tamba bele konstrui ona edifisiu parke nasional iha Lautem, no apresia mos ba Guarda Floresta sira maske durante nee laiha edifisu maibe nafatin hatudu serbisu iha terrenu ho diak tebes tamba daudaun nee komunidade sira la halo ona aktividade kasa iha ailaran.” Dehan liu husi diakursu.
Entretanto iha Lansamentu Fatuk Dahuluk ne’e hetan partisipasaun husi segundo PNTL Municipiu Lautem, Autorudade Lokal postu tutuala no lian nain sira.
Reporter: Nandez Veru.
Editor: Joenaca Tupa da conceição
