Lospalos – Hahu husi fulan Janeiro to’o Dezembru Sentru Saude Tutuala Rezista Kazu Ispa hamutuk 888 no Diareia 157 ne’ebe mak maioria Sofre husi Labarik sira ho otas tinan 15 mai kraik.
Sefe Internamentu Centru Saude Tutuala Doutor Justinho Dos Santos Esplika, kauza husi moras Ispa aas iha postu Tutuala tanba Impaktu husi bailoron naruk ne’ebe mak provoka rai rahun suar makas hodi fo impaktu ba problema respiratoriu ba komunidade sira iha postu Tutuala.
“Durante husi fulan Janeiro to’o mai fulan Dezembru tinan ida ne’e, ami rejistu moras nebe ho numeru aas liu maka ispa hamutuk 888, no tuir fali moras diare hamutuk 157.” Katak Justinho Ba Lautem Post(17/12).
Sefe centru saude ne’e Afirma, kauza husi Moras ne’e tamba komunidade sira seidauk iha konsiensia hodi uja maskera iha tempu bainloron naruk ne’ebe mak provoka rai rahun barak hodi fo impaktu ba sira nia saude.
“Moras Ispa ne’e aas tamba ita nia komunidade sira laiha konsiensia hodi uja maskera, tamba iha tempu bain loron ne’ebe naruk hamosu rai rahun barak hodi fo impaktu ba sira nia saude.” Tenik nia.
Enkuanto ba pasienta ne’ebe afeta moras Ispa barak liu maka labarik sira ho otas tinan 15 mai karik, tamba ne’e nia husu atu inan aman sira bele hakbesik aan lalais ba iha Centru Saude sira hodi halo tratamentu mediku ho lalais. wainhira iha ona sintomas ba moras refere.
Reportagen: Nandez Veru
Editor: Joenaca tupa da Conceição
