LOSPALOS: Komunidade vulneravél hamutuk uma-kain 2.851 iha munisípiu Lautém, ne’ebé sofre hamlaha tanba afeta husi Bailoron naruk ka “El-Nino.
Ho asuntu sosiál ne’ebé akontese ne’e Autoridade Munisipál Lautém, liuhusi Sekretáriu Munisipál Administrasaun no Finansa, Francisco dos Santos, partisipa lansamentu fornese ai-han ba komunidade Vulnerável sira, iha Munisípiu Lautém, ne’ebé hetan ajudu husi Ajénsia Internasionál Word Food Programme (WFP), ne’ebé kauza husi BaiLoron Naruk “EL NINO”.
Komunidade Vulnerável sira iha Munisípiu Lautém, hamutuk Uma Kain 2,851, mak hetan Ai Han, ne’ebé aprezenta husi Ministériu Solidariedade Sosiál no Inkluzaun Munisípiu Lautém. Serimónia Lansamentu ne’e hala’o iha Postu Administrativu Lospalos, Munisípiu Lautém.
“Programa ida ne’e, apoiu husi WFP, ne’ebé servisu hamutuk ho Ministériu Solidariedade Sosiál no Inkluzaun Munisípiu Lautém, aprezenta dadus ne’ebé liu husi Xefe Suku sira iha Munisípiu Lautém. Nune’e WFP apoiu Ai-Han ne’e, ba ema ema isin rua no fó susun ba labarik ki’ik sira, mak bele hetan batar uut no sira seluk sei hetan Foos, Mina, Koto ne’ebé tuir tipu ne’ebé mak iha, apoiu ida ne’e tuir EL NINO no Bai Loron naruk ne’ebé afeta,” informa sekretáriu munisipál ne’e.
Iha fatin hanesan, Diretór MSSI Munisípiu Lautém,Paulo da Silva Pinto, haktuir ohin realiza halo distribui sasán ba Komunidade Vulnerável, ne’ebé afetadu ba EL NINO no mós ba Super Seriál ba Inan Isin rua no Inan Susun.
Iha oportunidade ida ne’e, Diretór esplika, MSSI Munisípiu Lautém prepara dadus no akompaña halo distribui, sasán sira hanesan, Foos, Koto, Mina, Batar Ut, ne’ebé prepara husi Ajénsia Internasionál WFP, iha Munisípiu Lautém.
Nia dehan, iha Munisípiu Lautém, dadus hamutuk 2,851, sasán ne’ebé mak haruka mai iha Munisípiu Lautém, 71, 27 Tonelada, ba Koto 12, 83 Tonelada, Mina 6, 28 Tonelada no Batar Ut 2, 75 Toneladas, ne’ebé deskaregamentu mai iha Munisípiu Lautém.
Ekipa Lautem Post
