Lospalos: Governu aprova ona fulan Outubru hodi realiza eleisaun suku, tanba ne’e ofisiais Servisu Tékniku Administrasaun Eleitorál (sigla portugés, STAE) fó formasaun ba Pessoal STAE apoiu Suku(PSAS) na’in 34 kona-ba lala’ok eleisaun suku iha munisipiu Lautém, tanba governu konsidera, PSAS nudár fatór determinante ba eleisaun suku nia susesu.
Diretór Servisu Tékniku Administrasaun Eleitorál-STAE, munisípiu Lautém, Sergio Belmonte, esplika, PSAS nia papél importante durante prosesu eleisaun tanba sira mak observa direta prosesu eleisaun iha terrenu.
Belmonte dehan, STAE rekruta PSAS na’in 34 bazeia ba kuantidade suku ne’ebé eziste iha munisipiu Lautém.
“STAE rekruta ona ema na’in 34 tuir númeru suku. Hanorin kona-ba apoiu ba prosesu eleisaun suku, hanesan prosesu aprezentasaun kandidatura suku no aldeia, nune’e mós kona-ba maneira forma meza”, Diretór Servisu Tékniku Administrasaun Eleitorál-STAE, munisípiu Lautém, Sergio Belmonte, esplika.
Administradór munisípiu Lautém, Domingos Sávio, enkoraja Pessoal STAE apoiu Suku sira atu fó kontribuisaun másimu ba eleisaun suku iha terrenu, nune’e, eleisaun la’o ho transparénsia.
“Brigadista sira ne’ebé atu fó apoiu ba eleisaun suku tenke hatudu profisionál, tanba ne’e, imi nia responsabilidade másimu iha terrenu, imi mak sai fatór susesu ba determinasaun eleisaun suku”. Sávio argumenta.
Pesoál STAE apoiu suku hamutuk 34 tuir suku ne’ebé eziste iha Lautém, pesoál hirak ne’e, sei destaka ba kada suku hodi apoia prosesu eleisaun hamutuk ho pesoál apoiu aldeia.
Reportajen : Veru Fernadez.
Editor : Black Angel.
Lihat insight dan iklan
Semua tanggapan:
99
