Lautém: Unidade Polisia Maritima (UPM) postu Com Munisipiu Lautém laiha fasilidade nato’on ne’ebe utiliza ba halo kontrolu peska ilegal no aktu ilisitu liga ba area tasi iha Lautém.
komandante jeral Polisia Nasional Timor Leste (PNTL) komisariu jeral polisia Henrique Da Costa hato’o lia hirak ne’e hafoin halo vijita ba postu UPM iha portu com, postu administrativu Lautém, munisipiu Lautém hodi hare direita fasilidade UPM nian iha postu Com.
Hafoin observa direta kondisaun real ne’ebe mak UPM sira hasoru, Henrique kompromete tinan ne’e sei fasilita Ró ba UPM Postu Com hodi bele halo atividade patrollamentu ba area tasi nian iha Lautém.
“naran mak UPM maibe realidade nunka halo patrolamentu iha tasi, tamba ne’e komandu hare ona katak tinan ne’e ró ba UPM sei to’o iha Lautém”. Informa komandante geral PNTL ne’e ba Lautém-Post iha Seguda(26/02), foin lalais ne’e.
Komandante ne’e afirma, ró ba UPM ne’e posibilidade sei to’o iha Timor-Leste iha tinan ne’e. Nune’e nia hateten Unidade Polisia Maritima(UPM) bele ona utiliza ro ne’e hodi halo atividade patrolamentu iha area tasi Lautém hodi halo kontrola peska illegal sira.
“komando hare ona iha tinan 2022-2023 komando sosa ona ró 2, ne’ebe agora iha hela faze finalizasaun no kompanha haruka ona husi surabaya agora iha dalan ona.“
” Espera que fim do mes ne’e bele to’o ona iha Dili para atu halo serimonia entrega ba komando depois de medida admetiva sira husi aprovizionametu interior nian entrega mai komando para koloka fali ba UPM, pois UPM desida hodi haruka mai iha parte Lautém para atu halo serbisu.” Katak komandante geral ne’e.
Entretantu Ró ne’ebé sei utiliza husi Unidade Polisia Maritima ho kapasidade sei tula ema nain 15 to’o 19 hodi halo patrolamentu ba tasi hodi proteze area tasi iha Lautém ho diak.
Reportagen: Halan Veru.
Editor: Joenaca Tupa da Conceição.
