Lospalos : servisu saude munisipal Lautém ho autoridade munisipál, lansa programa vasinasaun kankru servikal ba estudantes eskola bazika filial sentru Lospalos no Café Lospalos.
Moras kankru servikal nudar moras feto nian ne’ebé mosu iha útero no sei hamosu kankru iha tempu naruk.
Estudante sydney clarisa, hateten, programa vasinasaun ne’e la provoka oin halai.
” sente diak hela, no la sente moras, ami nia oin mos la halai. Depois de ami hetan vasina, ami mos hetan karta vasinasaun” katak estudante.(23/09).
Diretór servisu municipal Saude munisipiu Lautém, Cancio Perreira de Lima, informa, alvo ba vasina nee, ba estudante feto ho tina 12 to’o 14, atu hasae sira nia imunidade ba prevensaun kankru servikal.
“ita halo vasinasaun nee atu halo prevensaun ba moras kanker servikal liu-ba alin oan sira nebe mak ho idade 12 too 14.” katak diretór.
Hafoin lansamentu vasina prevensaun kankru servikal iha eskola bazoka filial Lospalos, sei kontinua ba vasina estudantes sira iha eskola neebe eziste iha munisipiu Lautém.
” ita sei kontinua ba postu administrativu sira iha Lautém to’o nivel komunidade. Ita nia alvo mak ba estudante sira no sira ne’ebe la eskola. Nia promete.
Prezidente autoridade munisipal Lautém, Melio de Jesus, agradese ba servisu saude munisipal tamba fo prioridade ba programa vasinasaun ba foin sae sira.
No husu ba ekipa servisu atu kontinua lori programa nee too nivel aldeia.
“Labele para iha nee no labele iha deit eskola maibe too ba sosiedade sira para preven no protesaun ba feton sira.” Melio husu.
Entretantu ba foin sae sira nebe sai alvo ba vasinasaun ka kankeu servikal iha Lautém, hamutuk ema nain ( 3.268) kompostu husi eskola hamutuk (83) inklui foin sae sira nebe la asesu ba edukasaun.
Reportagen: veru.
Editor: Black Angel
