Lospalos: Servisu Nasionál de Ambulánsia e Emerjénsia Médiku (SNAEM Sigla Portugés) Kapasita médiku no ambulánsia sira atu hala’o knar hamutuk ho parseiru serbisu sira ho di’ak iha terrenu, liu-liu evakuasaun vítima husi fatin dezastre ba fatin ne’ebé seguru.
Relasiona ho dezastre ne’ebé mak kada tinan akontese hodi afeta ba komunidade, liu-liu saúde públiku, Diretora Nasionál Operasaun e Serbisu Ambulánsia Emerjénsia, Custodia Benevidas Florindo, hateten, disemnasaun ne’e atu kapasita médiku no ambulante sira atu serbisu ho parseiru, hodi halo atendimentu ho di’ak iha terrenu.
“Kapasita médiku no ambulánsia hodi koordena ho parseiru serbisu sira hodi bele responde di’ak liu tan ba situasaun emerjénsia”, nia esplika, Tersa, (24/10/).
Diretora dehan, papél ambulánsia atu atende dezastre ne’ebé mosu iha komunidade nia lee, evakua vítima sira ba fatin seguru.
“Karik mosu inséndiu ruma, oinsá halo intervensaun, halo evakuasaun ba vítima sira ne’ebé presiza atu hetan atendimentu imediatu iha oras 24 nia laran”, nia dehan.
Iha fatin hanesan, Partisipante, Xefe Departamentu Emerjénsia Médika Munisípiu Lautém, Amodoru Miguel Sampaio Fernandes, agradese ba ekipa nasionál ne’ebé fó kapasitasaun ba médiku no ambulante sira.
“Sim, formasaun ne’e importante liu ba ami tanba bele hafanu ami, sai bukae ida mai ami hodi uja, oinsa atende ema iha terrenu ho di’ak”, Amadoro agradese.
“Matéria ne’ebé ami aprende, kona-ba jestaun dezastre nian, hanesan ema sunu rai ita nia pozisaun iha ne’ebé, asidente ruma iha karik pozisaun ambulánsia iha ne’ebé, here iha terrenu saida mak akontese, ne’ebé ambulánsia ba ho ninia knar hodi halo atendimentu ba vítima sira”.
Entretantu, diseminasaun ne’e, foka liu ba dezastre naturais ho tipu dezastre hanesan ahi han rai, inundasaun, rai halai, rai nakdoko no konflitu.
Reportajen : Veru Fernandes.
Editor : Black Angel
